最佳女主角

唔經唔覺做咗mama 4個月, 晴晴已由出世時1.22kg到現在3點幾kg, 醫生話進度都ok…...不過我覺得有點落後

晴晴長大了很多, 開始微笑, 開始依依哦哦要人同她說話, 要人抱, 要人理佢, 知道喊會解決到問題, 每當佢喊既時候你一抱起佢會立即收聲, 之後你會發覺…… 佢無眼淚架只係挈大口喉嚨扮喊~~  唉!

而且早幾日發覺晴晴好識扭老公 (識扭定識冧?? 睇下你點睇 )

* 話說晴晴响嫲嫲手中緊瞓覺個陣, 老公買完野返到屋企, 佢一開鐵閘晴晴就醒咗, 好似知道爹哋返嚟咁 (定係覺得有人開鐵閘嘈醒佢??)

* 老公抱住晴晴, 晴晴唔比佢坐, 企都唔得, 要老公抱住佢周圍行拍下pat pat…老公話亞女大晒 (為囡死為囡亡咪係呢啲)

* 另外老公走個陣晴晴喊得好利害, 好唔捨得咁, 有晒眼淚, 最後要老公抱返下先無咁喊咋, 睇到我呷晒醋, 老公就冧晒…原來亞女係最佳女主角 (女豬腳, 洗唔洗咁交足戲呀!)