網誌分類：奇妙的280天 |
聽日依個時候，囡囡應該已經係我同老公身邊啦 ! 我地會由二人世界變成一家三口 (仲有 Bubble) ! ^^
尋日終於剪咗頭髮，好耐都未試過剪到咁短啦 ~ 入院同BB既野都執好晒啦 ! 心情都已經預備好，雖然都仲有少少緊張，不過都俾興奮既心情掩蓋咗 Lu ~ 我不斷係度諗，究竟係我肚入面咁耐既豬仔係咩樣既呢?! 好想快 D 見到佢呀 ~ (雖然都仲有D唔捨得佢離開我個肚......)
我記得係馬仔本書睇過一句說話 「結婚會令你成為一日既公主，懷孕會令你成為十個月既皇后，但之後，你會成為你子女一世既奴隸 !」公主同皇后我都親身經歷過啦，即係黎緊我要開始我既奴隸生活，好好照顧我地既小公主啦 ! 哈哈哈 ~
不過我只係暫別我既大肚生涯，可能不久既將來，我會為老公再添一個小女兒或小兒子哦 ~ 兩個就夠晒數，到時就真係可以正式告別大肚子啦 !
求 神記念明天手術既過程，保守一切順利，囡囡健健康康、平平安安咁黎到依個世上，亦求 神賜給我同 Eric 以後為人父母既適應，亞門 !
老二＠區肥冰冰 2009-10-13 20:49
珍納 2009-10-12 09:47
等你既好消息! 係呀, 生左bb真係一世奴隸, 而家有時睇住兩個大少, 突然會覺得 - 做女人就係咁架啦, 結左婚, 一世就無怨無悔地服待自己既男人同小朋友 , 依個先係女人既終身事業.... haha
突然感觸... anyway祝你一切順利, 等你d相呀!
｡◕‿◕｡ 玉琪 ｡✿*ﾟ｡ 2009-10-11 22:47
期待住你個小公主同我個小公主玩丫 ^^