網誌分類：奇妙的280天 |
好快，好快 ~ 仲有 77 天就係囡囡既預產期...... 即係仲有個半月就開始我既大假+產假啦 ! Heray ~ ~ ~
一方面好開心就黎有長假放，但一方面又好擔心..... 擔心咩呢?
擔心囡囡健唔健康? 出世足唔足磅? 會唔會早產or遲出世呢? 要陣痛幾耐? 老公趕唔趕得切陪產? 可唔可以順利順產呢? 縫針痛唔痛? 有無足夠人奶? 坐月禁忌?......
老公同其他屋企人會唔會錫晒囡囡，無人理我呢? 囡囡會唔會好扭計、好難湊? 識唔識得照顧同教好囡囡? 囡囡同Bubble會唔會相處唔黎呢? 入院同囡囡要用既野買齊未呢? 生完返黎會唔會無咗份工? ......
以上咁多條問題，我成日都不停咁問老公，好彩老公唔怕我煩，每次都好好心機咁答我。其實老公真係比我成熟好多，佢已經ready好屋企將會有新成員既出現，但係我呢就愈近囡囡既預產期我就愈驚，因為我一直都係好驚面對生活上既轉變，咩野都要先planning好晒既人，好驚囡囡既出世會打亂晒我地既生活...... 今年生BB其實係我地既計劃之內，我都可以擔心成咁，你話如果我係意外有咗，真係唔知我會擔心成點.......??
睇見老公係道用個公仔練習緊揹囡囡，我就好想囡囡快D出世，見到老公同佢玩果個樣，但一方面我又好唔捨得，好想囡囡係我個肚入面留耐D......好矛盾......
Eeyorewan 2009-08-23 22:09
唔好擔心得太多~ 乖乖
珍納 2009-08-16 11:19
唔好唸咁多, 生BB係女人天職, 到時你就知點做架啦! 上多D BK同睇多D資料, 盡量準備足D. 控制唔到既野就唔好諗啦, 越諗越擔心架!
媽媽開心先會生到個開心B架!
♥熊貓嫂♥Y.Y.Y.Y. 2009-08-16 00:13
喂喂..唔好咁擔心，一定會好順利架，記住放鬆點，一切隨緣吧。開開心心迎接BB的來臨啦。
elevala 2009-08-15 23:16
你幾時預產期呀?
哈哈~ 你放鬆D啦~ 唔好諗咁多, 太緊張唔好架嘛!!
時間過得真係好快! 你而家咁大個肚我都未見過你LU~
下次見你就會變返小肚腩~
到下次見你應該係連埋BB一齊見LU~ ^^~
好心急, 唔知你囡囡似你兩公婆邊個多D呢~,
不過肯定既係, BB個鼻一定好高!
carcar 2009-08-15 21:02
老二＠區肥冰冰 2009-08-15 16:15
其實痛呢個問題真係好難唔諗呀..不過最緊要放鬆d呀~
smartbb95 2009-08-14 17:11