今日, 忙!

平時個blog一般都係一日得嗰1~2人嚟睇, 哩2日居然分別有成4人& 6人嘅瀏灠量,

真係有d suprise 囉, 係咪有人幇我刷流量呢???

講番今日, 真係好鬼攰, 好鬼忙囉. 11點幾就起咗身(放假嚟講, 算早噶喇), 起身做

乜? 執房!我諗我都有成個幾月冇執過間房噶喇, 搞到E+ d 檯啊, 箱啊, DVD啊之類

嘅嘢通通都封曬塵, d 書啊報紙啊全部亂成一對堆... 足足搞咗我成個幾兩鐘先執

好,仲要係未掃地嗰隻添...

then , 出去食完飯番到屋企之后, 又覺得無所事事喎. 跟住又自己一個人出去...

搭車嗰陣就已經覺得有d 唔舒服噶喇. 落車嗰下直情想暈...@_@ 之后去咗睇書,

係咪好意外呢? 我居然去睇書喎! 我點都唔似d 咁正經嘅人啦... 不過, 其實我都去

睇下d 影集啊食譜啊通雜志之類嘅嘢啫, 我邊有咁正經咁好學啊~!= ="

去完書店, 跟住就去咗百佳, 諗住買d 面包番學嗰陣做早餐咁啦. 因為平時都冇時間

喺學校食早餐. 唔使遲到都算偷笑啦~~~! 買嘢嗰陣, 見到好多朱古力同薯片都好

平,好鬼想買. 但唔得, 都係忍住咗, 咁辛苦忍咗成個幾月唔食熱气嘢, 冇理由E+

先嚟放棄噶, 咁咪前功盡廢囉...

搭車番屋企時, 阿媽打電話嚟話出去食飯. 番到步行街, 一落車, 又要再坐過, 咪話

暈, 簡直想嘔>.<... 直到番到屋企都仲係覺得唔舒服囉. 不過好彩我記得杰華姐講

過又暈又想嘔嘅時候食d 糖就冇事, 果然使得... 其實如果唔係佢講, 我一直都以為

食d 咸嘢先有效噶...=_="

that's all 啦, 等陣仲要沖涼同赶功課噶, 冇時間囉, 忙啊~!!!