第2次剝牙記!

四隻大牙.....永別啦~


一連2個星期....總共剝左4隻大牙...
而加我....只剩餘24隻牙....同我並肩作戰!
下個星期，就真正要開始箍牙既生涯啦~

今日如常去到診所....肉隨針板上....
醫生一句野都無講....一坐上椅...
佢就已經同我打痲醉針啦~
不過今次整多左D野....就係加左D藍色既橡筋係大牙度!
但....今次剝完牙...都有D痛呀!
唔係牙痛....可能係D神經線痛....
今次好過上次啦~
好快止到血....因為今次咬棉花咬得大力D....
同埋隔左半個鐘之後就即刻飲凍水...

我仲特登買左蛋糕餵勞自己....做今晚既晚餐!


仲有，多謝朋友買左咁多雪糕比我看門口...
慎防我牙痛之用....
同埋...食左個人真係開心D架.....