生日快樂

今年嘅生日, 我選擇左一個最簡單嘅方式渡過~~就喺清潔成個屋企, 將一D喺時間要清理或者忘記嘅野, 一次過拋哂出街, 感覺就好似搬新屋一樣~~"舒服哂".

執執吓野發現自己買左好多書都冇睇過, 要迫吓自己睇多D先得啦! 重有買左BODY SHOP未用哂; 好多DVD買左未聽未睇; 好多飾物買左未載過; 好多衣服買左未著過. 唉!一句講哂~~~~~~~~哂錢!

原來自己咩都有, (不過人喺犯賤嘅, 唔識去珍惜~唔去知足~自私) 以為自己唔夠其他人幸福, 諗多左!

今晚同二家姐細佬媽咪去左三門仔食海鮮, 重見到"三哥~苗僑偉"一家人, 三哥真係好型不過冇上鏡咁高大, 個人都幾NICE...............

唉! 咪先! 差D唔記得重許願添, 誠心D先:

生日願望 / 目標:

1. 工作順順利利, 開開心心
2. 眾人"身體健康"
3. 待人以"愛"為本
4. 靈命成長
5. 節約用錢
6. 進修~~語言

願神保守帶領祝福我同家人! 奉主名求! 阿門!