決定解決

不經不覺, 原來已經兩個幾月冇updade呢個blog啦. (不過,唔緊要啦! 橫掂都冇人會睇架啦!)

喺過去嘅兩個月發生咗好多事, 好頭痛!

感情方面-非常無奈(其實自己唔想拍拖): 先後識咗4個男士, 個個都係怪怪咁, 試過同佢地講清楚自己依家只係識多d朋友, 唔會諗拍拖. 有個重話等我改變注意, 重要顛到1日打7次電話離話好悶; 有個重利害-講清楚冇可能一齊,佢就以為我連朋友都冇得做, 重比佢d朋友send sms鬧我唔專重人; 另外兩個我完全冇理, 我覺得好煩,所以.................今日決定將所有感情事一次過解決哂!

工作方面-我覺得好辛苦,好大壓力: 呢份工已經做咗7個月, 同埋我喺梳化呢行喺張白紙, 我總覺得自己有好多野都唔識(已經不斷問), 尢其比同事話嘅時間, 更加覺得自己好冇用冇哂信心, 好驚做得唔好或者做錯野慮到同事. 經譚譚同校長傾過,佢地都叫我搵工走, 搵過份適合自己嘅重好過依家咁 (又開始搵工啦)

靈命方面-仍需努力: 其實已經有進步, 至少唔駛人迫先返教會. 過去嘅幾星期都有好好嘅得著同感動, 就好似上星期嘅經文 "馬太福音6:19-34"同今個星期嘅經文 "路加福音15:11-32", 今日重感動到當場哭!

學習方面: 喺離緊8月又再次上韓文班啦! 點解? 鐘意"韓文"囉!

希望08下半年可以開心多d啦!