<<小傻豬睡前小故事>>之<<三隻小豬>>

前題︰

小傻豬是一隻小朋友豬，久唔久會嗲豬糕要講<<小傻豬睡前小故事>>俾佢聽先肯訓。結婚快兩年咯！結果都收收埋埋10 幾個<<小傻豬睡前小故事>>。得小傻豬同意，講一兩個俾大家聽…

==============================================

<<小傻豬睡前小故事>>之<<三隻小豬>>

從前有三隻小豬，分別係小倫豬、小傻豬同肥豬糕。

有一日，豬老師同呢三位小朋友笑著說︰「你地三個大個豬喇，係時候在村莊搵個地方，起一間屋喇！」

小倫豬同小傻豬好聽話︰「知道老師~」

肥豬糕冒了一頭冷汗︰「哦....哦....知道老師.....」

就這樣，三隻小豬各自回家選材，起他們的新屋了.....

首先是小倫豬，用了很好的木材，起了一間木屋，結果她有了一間結實的新木屋居住了~

而小傻豬則很俾心機，把一顆顆石仔及米槳，起了一間既結實，又冬暖夏涼的小傻豬之家~

肥豬糕則說︰「嘻~ 間屋咪又係用嚟訓覺既！使乜咁大費周章呢？」於是，牠便求求其其用禾桿草，搭了一間唔漏水的豬欄便收工，繼續咕咕地搵豬周公去了…

有一日，豺狼永安知道三隻小豬起了新屋，流晒口木地來到了豬村莊，打那三隻小豬主意…

首先，牠來到了小倫豬之家，見到小倫豬用上等木材起屋，很苦惱…突然，豺狼永安發現有驚喜！原來小倫豬間木屋，好似蝦佬、一魚間木棚屋咁，有罅既！於是牠便襯小倫豬睡著後，擒了小倫豬…

自此之後，小倫豬便人間消失，冇人搵到她了。

過幾日，豺狼永安又再肚餓，於是牠便打小傻豬主意了…

小傻豬在家中被永安嚇得哭起來、藏起來。豺狼永安看見小傻豬之家用了石仔起屋，而且冇罅、冇化學成份，冇得介紹俾永家班享用，十分苦惱。

豺狼永安糾纏了數小時，肚子已經餓很發慌了。但始終無從入手，只好垂頭喪氣放棄了…

突然，他發現小傻豬之家不遠處，肥豬糕正在他的禾桿草豬欄，好夢正酣。於是牠靜靜雞靠近肥豬糕，然後吹一口氣，把整間禾桿草屋都吹走了…

「乜我裝左冷氣咩？做乜涼浸浸既？…」肥豬糕被永安一吹吹醒了，啐啐自已雙眼，發現永安笑騎騎地一步步靠近自己…

肥豬糕嚇得哭起來，立即逃走，豺狼永安跟著往後追這件肥豬肉。

「咪走呀！咪走呀！」豺狼永安的叫聲一直緊隨其後，肥豬糕一邊喊一邊叫救命。跑呀跑！跑到了小傻豬之家的門口，讓著說︰「小傻豬，救命呀！有豺狼想食我呀！」

「好啦！你快D入黎避避啦…」於是小傻豬便開門俾肥豬糕避難，豺狼永安在門外大呼小叫，但始終無此入手。最後便很失望地離門豬村莊，過幾日便餓死了。

肥豬糕被永安嚇到得番半條豬命，加上跑得很倦，於是在小傻豬之家睡著了…

自此之後，小傻豬和肥豬糕便結了婚，過著幸福快樂的日子了。

~ 完 ~