適當時候真係 "不要說話"

上回講到某人事後成個禮拜先發言。

上個禮拜五佢email 發表左佢既高見之後﹐我禮拜六就複番 (佢cc 所有人﹐咁我當然都cc 所有人啦 ) 仲扮傻仔問佢: 咁係唔係唔洗加呢個 function 落去 xxxxx 嗰度呀? 

其實我已經問左 designer﹐designer 話係要既。不過既然某人中意扮權威 (其實佢的確係呢個 program 既權威﹐不過咁遲先話有野講﹐就無用啦... 其它人都開緊工囉)﹐我就 "甘心墊底 襯你的高貴" 問下囉。  

咁佢跟住星期一二都放左假。今日星期三返來﹐就開始複呢幾日既email 喇。係咁不停咁同個 designer o係度討論... 來來回回六個 email 之後﹐終於有個 team lead 頂佢唔順﹐叫佢如果有需要﹐唔該佢地兩個三口六面拆惦佢。唔好再cc 全世界喎。

阿某人又係既... 呢個 team lead 已經唔係第一次係咁。呢個女人脾氣唔係咁好。好既時候 (即係估唔到係幾時) 就無咩野。但係一個唔覺意煩親佢老人家就會o係 email度發"啷黎"...

一個月前阿某人又係 email 煩親佢... 比佢教訓我地話嗰D 係個 program 既常識﹐我地應該學識佢。

好心阿某人啦... 碰過釘都學唔到乖.... 真係抵佢比人整個氹佢踩。不過整佢嗰個人又無諗到佢會煩得咁緊要既。整佢既原意只不過係要其它人知道呢位仁兄係唔做野既。原本整個氹仔比佢﹐點知佢跌左落去之後仲刮左個大窿添。


呢位仁兄真係好搞野架... 上個禮拜咪話公司來左新老細﹐要搞 re-org 既? 嗰日阿老細開會﹐宣佈新既人事調動安排。呢位仁兄居然坐係最後排恰眼訓。點知比新老細見到﹐半講笑咁話佢: 我而家將成間公司反轉咁滯你居然仲訓得著既?