UNIQLO

岩岩過去既星期日, 無咩事做.  起床online左一陣去左大圍找少爺仔食LUNCH.  食完我一心打算返MK買褲.  但係又心動動想去Agnes B 試下佢件 tee.  坐火車時又剛好到又一城站.  因此就跳車去又一城!

唔行尤至河, 一行都發覺又一城有d唔同左.  我估係我太耐無行了, IT有兩間我都唔知!  =_=!!

一去到行左第一間貴IT.  大家都知我對IT野無興趣, 不過貴IT呢間野D衫都OK.  不過又真係太貴 呵呵~~ 睇完咪算羅.  跟住行左去Diesel, 見到件背心幾靚咁咪入去睇下羅.  點知搵極都無咁我問sales啦.  佢話只放windows 無放係入面, 吹脹!  佢拿起手問我試唔試window個件, 我心諗係咪有d dirty呀大佬!  無試就走人!  之後去左Agnes B 試件 tee羅.  試細碼又好似怪怪, 中碼又大件, 所以無幫襯就走人.

行下行下行到LEVIS, 見到有個袋幾靚.  399 OK又唔貴, 不過諗諗下我又買個大袋做咩呢?  我應該買個細袋羅!  不過真係幾靚, 雖然無買, 不過我都再諗諗佢!  又行下行下行左去DOUBLE PARK, D街頭野係唔係好岩我, 不過睇下唔使死既.  試左頂CAP, 拿唔帶就唔覺, 一帶就覺得超唔襯我.  因為好似好高咁... 唔識講呀!  跟住又去左PAGE ONE 見到個袋, SIZE都仲係有D大.  然後又去左朱古力, 無野岩.

最後行到UNIQLO!  話說我上星期已經係TST行左最少2次.  不過次次同朋友都係掛住講野, 走馬看花咁根本無留心睇.  今次單拖咪慢慢睇羅!  佢出左一個好大既series 係用日本動畫做主題既, 我記得而又識既有007/蒙面超人/老幫3世.  其他見過但唔知咩名!  仲有POLO SHIRT 花款真係幾多嫁, 花多眼亂!  又睇下d短褲, 唔貴呀199你想點!?  佢有d簡單d既便服啦, 其他花款既tee啦, 牛仔褲等等.  童裝內衣乜都有!  價錢平但要比d時間慢慢睇. 

最後我買入左一條迷彩短褲 / 一件動畫tee / 一件背心 及 一條童裝牛仔裙比B女.  合共都不過係600元有找, 你咪話唔抵!  不過喜歡與否就因人而異啦, 有空我都會再來睇睇!