洗手間

我家個洗手間既馬桶其實都壞左好一陣子了.  佢又唔係話壞到沖唔到水, 只係不停咁沖水.  仲記得上次月亮小姐去完, 佢問我 - 你個馬桶咁高科技, 識自動沖水?", 哈哈哈~~ 緊係唔係啦, 擺明就係壞左啦.

前前後後都可能有2-3個月, 我最後都頂唔順.  因為真係好煩, 佢不停沖不停沖, 搞到我心煩意亂.  最後昨晚放工後就去左找人整.

嘩... 真係唔好睇小呢d咁既野, 大拿拿五舊水呀!  完來佢話我水箱內件全部都壞晒, 要換晒 (其實係唔係真, 得佢知!).  不過見佢都好大工程就真, 成個水箱拆來裝.  最後搞左成粒鐘, 個洗手間好似打完仗咁.  我發現做佢地呢d小工程都幾好賺, 個一刻個腦突然間諗 "不如去學下整水喉廁所啦" 哈哈~~ 師父走前醒左我一句 "你係咪打泰拳嫁?"  我話問點解咁問呢.  佢答: 你睇落有d鋼條身材ma! (因為我只穿著小背心+短褲)  呵呵呵~~ 多謝晒師父, 不過我唔係.

跟住...唉... 想唔來次大掃除都唔得, 因為d咸水有陣味, 頂唔住!  清潔成個洗手間又用左成粒鐘 --_='!!  不過算啦, 我都好耐無大洗過個洗手間 (細洗就個個星期嫁!)!  最後緊係乾淨晒啦 ^^!!

晚上同A君講電話時提到呢件事, 佢同我講一間屋有兩個地方係最DIRTY.  而我地亦應該特別注意呢兩個地方: 1) 洗手間 2) 床, 佢話呢兩度最多細菌喎.  我都要勤D換下床單先得.

仲有一樣野, 唔講你未必知.  原來我地既馬桶好勁嫁!  咩咁勁?  沖力勁羅 - 話說每一次拉水沖廁時, D細到肉眼睇唔見既水花係可以彈到7尺咁高嫁.  所以沖廁最好都係蓋好個廁板.  點解我知?  因為以前公司搞過個空氣清新機, 做過D測試, 呢個係其中一個RESULT!  堅嫁!