比輸了還失望的總決賽

未比賽已出局?????????????!!!!!!!!!!!!!!!!!!!!!!!!!

我真係非常非常激氣!!!!!!!!!!!!!唉..................都好無奈......................
有睇之前既blog都知...我收到封荷花的總決賽信，由G11變了G4,入了正選比賽，
好啦，入左正選更加要參與下!!!!話1:00pm前去到報到......
我好準時1:00pm去到，超級長龍，排左大半小時先到我登記!!!!
俾左$20(捐款黎既)...再俾埋封正選信佢地，我地就可以入去入面坐，
去返G4的位置，椅上放了兩件T-shirt (一大人一bb)，每隊都印有不同贊助商logo,
我提子隊係由美國雅培贊助~即係如果贏左，就有美國雅培的奶粉做禮物~
又例如fisher-price贊助既組別...贏左就會有玩具咁......

我係G4，工作人員話到我地比賽都要3:00pm後...但當時只係1:40pm...
我問可唔可以出一出去...因為一來有排才到我...二來在希訓緊覺...摺唔到bb車住...
(因為佢要大家收起晒d車等...本身都冇問題...只係有排都未比賽...
又唔想整醒佢啦............係咪先................)
跟住工作人員話好啦，但你唔好整唔見張貼紙(即係下圖G4提子隊o個張label),
因為係認依張貼紙入返來!!!!!那麼okok!!!!我便小心翼翼keep住3張貼紙!!!
他們也沒有叫我最遲幾時返入來，重由佢地推開d閘俾我出去~

好啦...我們想入返去既時候，有個哥哥話G4已有人登記，唔俾我地入，
我話...咪就係我地囉!!!!我即刻show返張貼紙，佢見到又有d詫異，真係G4喎!!
跟住問我地bb叫咩名，我地同佢講，佢話唔係喎...G4唔係叫你bb個名喎!!
我話下????唔係呀嗎...我登記左啦喎...取晒T-shirt同label啦喎!!!!
跟住佢地問我有冇信，我話俾佢你地啦喎!!佢話得一封G4咋喎...不過唔係你地名~
我話你搵下啦...唔係呀嗎................................跟住佢就搵搵搵...
點解俾佢搵到兩封G4，而且佢o個封係o係底，即係先d登記既!!!!!!!!!!!
佢即刻唔知點算........又話唔到事..........我話你搵個話到事既人同我講!!!

攪左好耐好耐...都冇俾我地入..................................真係好耐好耐之後...
已經差唔多輪到提子隊啦!!!!我愈來愈心急!!!!!!!佢又唔知走去搵咩人問......
我唔理咁多，咪自己入去跑道囉...點知................10條賽道已經齊晒人!!!
我當堂覺得好無奈...同埋好想知發生咩事!!!!!!!!!!!!!!!!!!!!!!!!!!!!!!

但由於活動進行中...話得事既又hold緊活動，要我地等晒頒獎禮都完埋...
先可以同我地傾!!!!!!!等左足足個幾鐘!!!!!冇錯!!!係個幾鐘!!!
因為我實在要佢地俾我交代我，等耐d都要等!!!!!!!!!!!!!!!!!!

活動完晒了!!!!!!!!manager終於出現，佢重同崔建邦佢地傾計......我走上前問...
請問依家同我地傾得未????我等左個幾鐘了....................
佢就唔好意思咁話okok......坐低了傾......

我同老公表達返感受，主要係.................
1)我地明明登左記，點解有第二個G4來到...又俾左佢地入???
2)而且我地係比佢地早登記(荷花都知係我地登記先)，點解反而佢去左比賽??
3)我輸左唔緊要，但依家連比賽機會都冇!!!!成個經歷冇左...video冇左...相冇左
   一生人只有一次機會...機會係$$都買唔到
4)唔係我地擅自走出去，而係你地職員開閘俾我地去，只叫我們好好keep住label
5)家人都專登來到睇比賽，依家竟然登左記...捐左$$...取了衫同label都比賽唔到
6)之前排左咁耐隊登記...又花左心機整d提子...真係浪費晒d時間!!!!!

manager都好抱歉，佢知道唔可以返轉頭，也補償唔到俾我地......
佢解釋有2個...一就係另一個G4參加者應該係冇fax到確認回條俾佢地，
而自己走了來參與 (但我對此極反感，喂大佬，荷花就係當佢唔來，才會寄
入總決賽話我係G4的信俾我，因為冇fax返就當棄權，咁依家既然最新資料已
經係由我補上，點解那個G4無那那來到，又會俾佢參加返?????重點係明明我依
個G4係比佢早登記，已tick了我名!!!!!!!但反而到比賽時我要做觀眾???!!!!)

二就係佢地預備左2-3份label，那另一個G4來到，佢地睇到第一張貼G4的label
冇左 (其實即係之前已經貼左俾我，但佢地竟然冇check到)，就以為唔知係咪
貼錯左俾人，定係唔見左，所以o係第二份label搵個G4貼紙貼返俾那個G4......
變相那G4又可以入到場...又可以一樣等候比賽...但明明G4已一早俾我登記左...!!!

係咪咁都得?????????????????????????????????????????

跟住佢話俾d時間佢諗下可以點做...打返電話俾我...
一小時多後.................佢打黎話俾兩包尿片俾我作補償..................
同埋遲d報返張証書寄返俾我...(入到總決賽的bb先有既証書)
佢話雖然補償唔到"經歷"...但都算係實用既野.......
最攪笑係叫我參加下年的豬仔車比賽............重問我駛唔駛o係塊背景影相留念...
我話...下???都冇心情啦...唔影啦......(心諗...唔係呀嗎...都冇爬到...影咩留念呀??!!)
又話...如果我依幾日訓唔著可以打電話俾佢...你話係咪攪笑...???!!!
唉...算啦...................唔係點o者???!!!!!

後記：最唔開心係因為我覺得我地冇錯！明明乖乖1:00pm前來到登記，
捐$$$$，取label取T-shirt，只係行左出去一陣!!!(職員容許既，開埋閘俾我地出一出去....冇叫我地最遲幾時要返到...但我地都好乖好早返返去) 但咁竟然都參加唔到，
竟然俾左一個明明冇fax到確認信...當左佢棄權的G4...重要比我地遲登記的人參加左..................真係好嬲.............話晒一生人一次...以後都冇機會......唉......
輸左唔緊要...禮物係其次...想要個經歷，想影相，想拍video......
所以真係人算不如天算罷啦............................
不過又其實講真，錯有錯著，我o個組就算贏左都只係有我一直唔食開既奶粉
做禮物，對我真係冇乜用..............依家反而有兩包尿片...好似重o岩用!!!
阿Q精神囉...................唔係點o者.......................................

前一晚攪到半夜一點幾.......就係整依d提子貼落件衫度................
點知..........................................白費心機.......................