咁又11個月大啦!!

嘩!!!!!11個月大啦~~~~~~~~~~~~~
依個時候...又好似好快咁!!!
好記得上年的今日...我就黎放產假啦...6月20日開始的~~!!
依家...已經11個月大...時光飛逝呀!!!!!!!!!!!
咁又即係話...我已經冇做野一年啦........................................
到佢返學時,我一定要踏足返依個社會,唔係脫節就唔好啦!!!!!
不過咁，我仍然只會選擇佢返學時我先返工，
因我仍然堅持要自己湊佢返學放學，教佢做功課～～！！
返工之餘,主力都係做湊仔婆~~!!嘻

講返佢先，11個月大，
學識左......
1)識得指鼻、手同埋腳
2)o係lift口識指返屋企既方向
3)唔駛人幫識自己攀上sofa
4)識餵人食野
5)識指泳池、邊度游水水
6)我拖住佢隻手識行 (雙手拖住行得勁快，但單手拖住都有d驚...行得慢d)
7)我話喂喂喂,佢識放隻手或者電話o係耳邊
8)識指邊度行雷、落雨
9)驚驚時識拍心口
10)識飛吻
11)識開櫃桶
12)識拎住架車仔放在桌上或地上行行
13)認得好多東西，如車車、風扇、燈燈、冷氣、蘋果、香蕉、橙、奶奶、鴨、獅子 、 豬、牛、大笨象、獅子、老虎、蝴蝶等等動物(問佢時識得指住幅圖)
14)識得用remote對住電視開關 (成日俾佢轉左台或者較左大細聲)
15)飽飽
16)識發脾氣

但一樣野...係人都得...但佢都未得...
就係自己企(唔扶野)...可以企幾秒...甚至幾十秒...
但佢一秒都唔得...(今早試過一秒)...唉...............
只可以講一句...佢實在太懶啦!!!!!!!!!!!!!!
自己o係sofa扶住行來行去又得...扶住d野企幾個字都唔攰...
但我唔信唔扶野既話...你一秒都冇力企囉!!!!!
佢對腳會冇晒力咁，會即刻跪低!!!!!!唉...激氣!!唔肯企佢呀!!!

食野方面，感恩都好順利，食兩餐粥都食左一個月...身體都好適應，
食得好快，去臭臭都好暢順...keep it呀!!!!

重有要講返point 16...依個月...應該話依幾日先o岩，
在希學識左發脾氣啦!!!!!
好似佢行去一d唔應該行去既地方，我地抱走佢，
佢會大叫兩三秒同埋個頭會後 +個身拱橋咁，
你話...................................................唉.......................真係要打打呀!!!

P.S.牙仍然得4隻咁大把!!!

放佢o係網床一陣，去完個廁所，
俾佢拋晒入面d波出來!!!!!!!!激氣!!!執c我啦!!!!

由一出世到依家...一直都有為佢寫低佢所有既第一次!
我覺得好有紀念價值呀!!我會繼續為在希寫下去!!

依排又成日bu口水啦!!!!用盡力咁bu!!!!!
佢以為比賽緊!!!!

但放晒佢．．．對腳可以立即冇力...坐返低...
你信唔信佢唔係因為懶???!!!

好攪笑既樣子!!