大忙人？？

下晝無無聊聊帶咗"彤彤"搭車出嚟行吓街街．．．

點知．．我好似帶咗個"亞婆"出街咁～邊行邊囉嗦(把口冇時停)．．一時問呢樣一時又問嗰樣～～

一見到有同齡嘅小朋友或BB又或者係小動物．．"彤彤"就會即刻走埋去say hello．．．

我原本都想自己睇吓有冇嘢啱買嘅～依家變咗剩係睇住佢！！始終驚佢會騷擾到人嘛！

於是特登行去jusco嬰兒部；因為有玩具玩啱晒亞囡啦！而我又睇吓有冇啲靚嘅衫同裙仔啱佢著．．．終於見到有件幾靚嘅裙；於是乎梗係叫亞囡過嚟試吓啱唔啱著啦！

點知佢竟然拎住喺屋企攞出嚟嗰部*玩具電話*係咁講唔停～講極都唔肯收線喎(十足一個大忙人咁)．．連我嗌佢都聽唔到(都唔知係咪扮聽唔到囉！)

最好笑係個sales望住亞囡係咁扮講電話；之後再望住我重笑住同講：佢好唔得閒喎！跟住我都同番個sales講：係呀！佢真係好忙架！