又轉校！！

攪完一輪～得個吉．．．．最後都係要返番轉頭讀番之前嗰間Kindergarten！浪費咗時間同攪手續之餘又浪費金錢(好在唔係大額；所以都冇咁傷．．)

不過．．最慘就係又要再攪多一輪手續囉！去完呢間交留位費同各樣雜費之後．．遲啲又要去嗰間辦回退學手續同各樣等．．好煩呀！

再過多幾個月可能又要．．．再攪多次以上嘅手續同搬屋事宜～到時又再煩過呀．．．Help！

點解會咁？？因為有機會搬出九龍；住喺我奶奶屋企附近囉！不過暫時好多嘢都未confirm到．．所以唔講咁多住喇！

由於唔想亞囡轉來轉去(因為問過亞囡班主任意見；驚會影響亞囡心理)所以都係讀番現時嘅學校最好喎！．．只係麻煩在～又要攪一輪手續咁囉！！