～貴夾唔飽～

由於老公要出去拎番部手機；於是帶埋"彤彤"出埋去當遊吓車河同食飯(不過都幾趕；因為老公晏晝要返工)

首先去尖沙咀赫德道拎咗$150超市coupons；然之後再兜去觀塘拎手機等．．．

最後落去九龍城揾地方醫肚．．．食完飯之後去攞車其間見到有間cake shop；亞囡一見到即刻話要買cake喎！於是入去睇吓有咩包or蛋糕好食咁啦！

點知一睇．．嘩！乜咁貴架～一件普通嘅cake最平都要$36而其它麵包就平貴都有～於是乎我問亞囡想食邊樣啦．．．佢真係識食；竟然話要蛋糕喎！於是買咗一件比佢盛惠$38～

呢個時候比我見到早前喺電視節目裡面介紹過嘅漢堡包形蛋糕喎！

原來都要$10一個～個size係細到一啖都已經食得晒！而且味道就一般囉；唔係想像中咁好食喇！名副其實又貴又唔好食；下次都唔會再幫襯．．