飽到～嘔？

接咗"彤彤"放學返屋企；教佢做完功課同溫習完之後冇耐～老公又剛啱瞓醒見亞女咁乖於是揍埋佢一齊去食晏同行番一陣．．．

嗰頭喺餐廳食咗個意粉(一碗仔咁多～但都食唔晒)．．．跟住行行吓見到有＾雞蛋仔＾於是買咗一餅嚟食(每次經過亞女都會要求買；而且係一個人食晒添)今次都唔例外又係自己一個食晒．．．

揸車返屋企途中"彤彤"已經係咁話好飽好飽～我都覺得奇怪；平時嘅佢食多包都重可以但今次竟然話好飽喎！

返到屋企佢重係話好飽；點知過咗幾分鐘～突然＾嘔＾喎！重一地都係添．．老公於是嗱嗱淋抱佢入厠所嘔～嘔到一身都係當然幫佢沖涼啦！

沖完幫佢著咗衫之後冇耐～又嘔過(呢個moment我已經＾炆＾到想死；係咁發自己皮氣＞爆晒粗口血壓標升；但諗深一層其實亞女都好辛苦佢都唔想；於是又平靜落嚟．．)唯有幫佢沖多次涼換過啲衫；終於佢瞓著咗．．．而我當然要善後啦！

After two-hours亞女瞓醒要求飲水．．點知飲完成杯水之後又＾嘔＾過；重攪到衫又有sofa又有．．又再幫佢換過啲衫同抺sofa．．．

過咗一陣又嘔咗少少．．又換過啲衫～而我嘅心情就梗係又＾炆＾又無奈啦！最後拎咗個膠袋比亞女以防又＾嘔＾過．．最費解係亞女又冇燒又好好精神喎！只係冇乜胃口啫～唯有等tomorrow再睇吓有冇＾嘔＾至帶佢睇醫生啦！