～炸醬麵～

平時睇韓片電視劇見到啲人好鍾意叫炸醬麵重食到好滋味～睇到我都流晒口水莫非真係要搭飛機去首爾至食到？

終於有機會比我食到喇！原來喺尖沙咀某個街道都搵到喎！嗰度開咗幾間舖都係賣韓國食物另有一兩間韓國燒烤舖；睇見都流口水．．．

之後入咗去一間專食炸醬麵嘅舖頭度；原來係非常之細只得兩三張枱重見到另一張枱啲客人全部都係韓國人完全聽唔明佢地講乜～不過每人都食緊一碟炸醬麵．．可想而知佢地係幾咁鍾意食呢～到落單時原來係唔識聽廣東話要我哋用紙寫低啲number．．．不過佢哋都好nice囉！～

我同Apple亞茵三個人叫咗碟炸醬麵一齊食～又真係幾好味另外又叫咗碟綠豆肉餅加埋啲配菜(泡菜同蘿蔔)都係一樣咁好味．．Apple果然冇介紹錯喎！！原本想叫多幾樣野食但因為重有下場；所以要留肚再食下一餐～唯有等下次有機會再去食過啦！