香港人在曼谷

今次公司旅行去泰國, 真係好難忘..... 雖然只係三日兩夜....

話說我地係搭港聯航空, 去個程已經DELAY, 所以第一日得好少時間玩, 五點鐘先去睇4D SHOW, 然後行水族館一小時, 然後得番一小時行商場. 同事都掃左好多貨, 原來下面SUPERMARKET好多野睇... 我又唔夠時間行. 好在第二日, 只係參觀皇宮, 然後做按摩, 跟住自由時間, 再去返個商場行, 今次我就買好多食既做手信啦~~~

第三日就去樂園玩... 好殘舊, 好似荔園咁咯.... 比較好既都係有個水上樂園, 但除了滑梯都冇乜野好玩. 不過玩完呢個樂園, 我地估唔到, 我地又要去另一個樂園玩, 仲要又玩大半DAY-----機場!

我地四點半到達機場, 五點等齊人, 就入境周圍行DUTY FREE, 到七點就去GATE 等機, 架機係七點半, 十一點半應該返到香港.  到七點半, 宣佈要等十分鐘, 好, 等十分鐘.... 到左十分鐘, 又話要等十五分鐘, 之後又話等三十分鐘, 又十分鐘.... 眼見一個鐘頭過左, 又一個鐘頭, 飢寒交逼, 問羅水職員又話仲有十分鐘就登機, 唔俾水, 我地個領隊話未夠兩小時航空公司有權唔派水同食物.... 乜野RULE黎架??  後來都有水, 但要等呀等, 好似難民咁!  等到三小時... D男人好嘈啦, 粗口乜都齊, 都未有聲氣, 又等左唔知幾耐, 有水或汽水及三文治, 但竟然連毛顫都唔夠, 得大約十張左右, 得小朋友先有, 我真係唔知呢間係乜野航空公司黎架....

等左四個半鐘, 話CANCEL啦, 咁又要行二千米返去入境個度, 好啦, 行到去又有個肥佬STAFF 話架機又得, 當時十二點, 又行返二千米返去GATE 等機.  一心好有希望可以返香港啦, 又要等.... D男人圍住COUNTER嘈, 要驚動警察, 但D人都係嘈, 航空公司聲稱全部廁所壞, 你信唔信呀??  整四個半鐘頭就係整廁所??? 仲要叫人折返番黎又要拖時間, D人話佢地有心拖下拖下, 要我地等, 等到天光就可以慳番酒店.  等左大半粒鐘, 又話決定CANCEL啦(還好, 你叫我上機我真係唔敢上), 又要行二千米去返入境個度搞手續(全晚起碼行左八千米, 拖住超疲乏既腳步), 又要等十五分鐘等TOUR BUS載我地去酒店.  幸好酒店五星級, 好靚好舒服, 但去到酒店都二點幾, 沖埋涼都三點, 跟住五點就要起身搭六點既TOUR BUS去機場(訓得兩小時), 搭八點泰航既機返香港, 唔駛再搭港聯啦, 感謝神!!  泰航真係舒服好多, 架機始終係大機, 同埋野食好味好多, 有齊耳筒毛顫, 落機時耳仔又唔會塞晒, 終於今日下午十二時返到香港啦... 真係超難忘....