毅行之後

今日係行完毅行後第一個工作天,返到公司,d同事都話無諗過我會咁精神返到工,嘻嘻,呢個我都估唔到呀~

尋日行完之後發現個膝頭腫咗,好在訓醒之後就無痛,不過都係腫,今日放工去睇醫生,check下有無問題。

醫生好搞笑,問我做咩會腫,我話佢知我去毅行,佢又問咁你行咗幾多公里,行咗幾耐,一一將呢d寫係我個病歷表上,又問點解會又要籌錢,又要辛苦都要去,佢話佢都要諗d咁ge野出嚟先得,笑死我。

好在,佢話我d軟骨無事,係我行得唔穏,令膝蓋受壓,有一邊韌帶太累所以腫咗,重話:你下年可以繼續行呀!

我行緊隻膝蓋咁痛,真係好驚，怕有咩後遺症，好在宜家無事，都安心哂。今日諗返，真係幾好玩，雖然行到尾個時真係好唔明自己點解會參加，但宜家又覺得都可以諗諗下年壐參加，真係有ｄ攞嚟賤，嘻嘻。