蠔宴

22-04-08

今晚五星戰隊同豬骨隊一行8人一齊去深圳食燒蠔,呢間燒蠔係我一位係深圳做野ge同學極力推介,我地梗係唔可以錯過啦。

呢間叫鄉村小厨.除咗食蠔,重有好多其他串燒,都好好食,我地食唔停,係咁叫,結果8個人食咗70隻燒蠔,對我嚟講,呢個都可以話係一個紀錄,我自己一個都食咗8隻,超出我ge極限呀!

其中一位朋友,一個人食咗最少20隻,被封為"蠔哥"。

見到佢地有3,4個師傅一直無停手咁開蠔,就可以知邊係幾受歡迎啦!

今次實在叫咗好多野食,好多時都掛住食唔記得影相,真係手慢d都無得食呀,好似佢個炸豆腐就係食完一碟覺得太好食,好有黃豆味,又滑,即時encore,但都係一陣就無哂,呢班人真係唔簡單。

佢好多正野係九點幾就沽清呀,要食真係要早呀!

我地食咗幾多野?睇下張咭咪知囉。

呢張蠔相係encore個時,order咗大家唔可以食住,先可以影到咋。

蠔餅

菜苗(食食下先醒起要影咋,得番一半)

燒茄子

燒魚

金威啤酒廣場