上海 - 1

04/03/08

今次出trip到上海ge時候就係人地ge peck hour, 一上車,司機就依依哦哦,話要塞車呀, 我話”哦”,我都唔知要應佢D咩,佢重要講好幾次喎,咁你想我點?塞車都要去啦,司機大佬呀!

就係咁樣塞車,本來個幾鐘頭的車,要兩個鐘先去到, 重要司機大佬久唔久又哦下,我就坐到訓咗幾次,去到附近重要同佢一齊揾間野係邊,好在我之前嚟過,有印象,就係咁終於都去到我ge quarter。

今晚得我一個食,走出quarter周圍走,都唔知食咩好, 本想去番上 次一位老師帶我去個度食臭豆腐,但揾來揾去都揾唔到,見到有間鼎泰豐,就走入去食啦, 入到去都唔覺得自己係上海, 呢間野ge客人,大部部都係日本同韓國人,重有d西人,中國人比較少,可能因為呢區都係日本人同韓國人區吧。

 一個人食真係食唔到d咩,叫咗個涼菜 - 青瓜

蟹粉小龍包,

小龍包人人都知呢道出名,係幾好食,個人覺得好食過香港個間

蝦肉燒賣,

佢個燒賣其實係由小龍包演變出嚟,同我地平時飲茶食個d唔同, d蝦又比香港個d鮮味,但個皮就厚咗d,如果薄d口感會好d。

酸辣湯。

致於酸辣湯,我就覺得麻麻,我唔太鐘意太重胡椒味,好似飲緊酸ge胡椒豬肚湯咁。