珠鴻拾叁零大攪作 - 回男家篇

大家等左好耐, 應該係睇呢PART相呀.....係睇相前, 我一定一定先要特別鳴謝, 因為他們的幫忙, 令我倆的婚禮既特別又熱鬧, 畢生難忘.

在此特別多謝 ~ 香港陳嘉輝龍獅團 , 不要問我這樣要花幾多錢, 因為完全是出於"朋友號"義務的幫忙, 我倆初初的意念只是找來舞獅跳跳熱鬧一番, 禁大型的坐橋儀式是陳師傅來賀我們大婚的心意......真係萬二分多謝, 再多謝.  

當天陳師傳帶同龍獅團的工作人員(差不多30人), 認真熱心去做好每個細節, 絕不是"朋友號"就馬馬虎虎, 那份專業認真精神真係和攞金牌的奧運選手沒分別. 真係要大力鼓掌給予支持.

所有工作人員一早就係男家村口準備就緒, 我們一到就大鑼大鼓, 活潑的雙囍獅舞動起來, 雙囍獅都是一對的呀, 你地估下邊個是男仔, 女仔??? 銀色腳仔係女, 金色腳仔係男, 舞動動作上都有分别的呀, 男仔就強勁有力, 女仔就活潑可愛(會捱PAT PAT呀) , 我倆在車等候雙囍獅開車門, 超開心呢

上圖: 開車門前雙囍獅舞動一番, 哈哈, 開左門呀, 我倆都不知幾心急出去玩.

下圖: 兩PAIR(即我地和雙囍獅)來張大合照

上圖: 進行吉祥儀式, 當時真係好熱鬧, 原來都有不少人在場圍觀, 各人有帶相機的都舉機拍照, 閃下閃下...(後話:我家人都無睇過, 更可況是我出嫁呢, 所以我出門時, 原來哥哥已飛快地分幾轉載女家的親戚朋友到男家村口觀看)

下圖:你地睇下.....老公幾"架勢"呀! 仲做埋"V"型手勢, 哈!

上圖: 沿途都在大鑼大鼓, 發放禮炮, 而我就在"花橋"內, 我都好想出去玩埋一份呀!

下圖: 到達男家門前, 老公"踢橋門"...登登登登......我再出場呀!

上圖: 行出橋當然要咀咀啦, 你地睇睇...雙囍獅又在咀咀呀! 雙囍獅和我倆入屋拜祖先.

下圖: 看看雙囍獅背後的工作人員, 不要少看他們年紀細細, 他們是參加世界各地大賽的高手呀! 真係辛苦晒呀, 再次萬二分謝謝他們

(預告下回: 珠鴻拾叁零大攪作 -  晚宴篇)