牛年不利?

聽聞今年我係沖(是犯還是甚麼)太歲, 所以今年應該會以多變為主, 與我同年之神婆朋友由牛年開始就已經戒吃牛肉, 說應該有幫助喎, 不過佢仲係覺得心神不寧, 成日都好似好困擾, 但係又唔知係咩原因所致~

我本身都冇特別信, 但一直都想去批流年, 時世唔好人又變得迷信, 總之希望順順利利, 不過又衰在懶, 係冇人陪的情況下計劃又擱置, 幸好係公司成功過渡冇被炒都算大步檻過, 但就覺得人際關係好似差左D, 係風波裡出現左個小人(今日我好衰, 咒佢扑到), 希望佢而家走左會好點啦~不過覺得自己愈黎愈變態, 心地唔好~要改善下呢!

今年的旅遊運相當不俗啊, 因為今年係我地莊的10週年紀念呀! 講左N咁多年的莊旅行終於在六月尾再次實行, 目的地是台灣墾丁, 人數約有17人, 好厲害呀! 上次10人去台灣已經咁開心, 今次齊莊之餘仲有各人的另一半+朋友, 十分期待的大場面啊~是時候要訓練一下牙"較"了, 以免到時笑到甩~另外昨日才突然決定在5月尾到泰國走一回, 呵呵~正~為生活帶來正能量呢~!