ไป Yuen Long ทางอาหารไทย 去元朗食泰國菜

尋日諗住同 คาริน (Karen 泰文) 去食泰國菜，一早就入定去元朗，做定功課睇下喺元朗搭乜野車入去，原來間泰菜喺博愛醫院隔黎。我地兩個行到六點，去左等276巴士。唔夠一陣就有車黎，滿心歡喜上車。

巴士行左一陣唔對路，明明上車既地方好近博愛醫院回旋處，點解咁耐都未到，仲走左去天水圍，點知原來我地要搭既276唔係去天水圍方向既276，係要去對面上水方向既276。咁冇辦法啦，為有坐到去總站，搭返原車出去啦。返正我地都未去過呢個出名既悲情城巿。其實，都唔係好悲情姐....

等左一陣，司機走黎嗌我地，話去上水既出去上車。咁我地就上車啦，又好期待我地既泰菜，架巴士行到去博愛醫院附近，我就叫คาริน禁鐘準備落車，點知.....點知架車竟然唔行去博愛醫院，仲上埋公路。跟住巴士就話︰下一個站上水鐵路站。

我同คาริน O左咀，點解會咁架？唔通我地禁鐘禁遲左？

落車之後，我地先發現我地上左276P，特別車，唔經博愛醫院。由於大家都好肚餓，所以到最後我地求其搵左間野食算數