泰文與日文

經過上個星期泰文中班課程之後，今日亦係我學日文初班課程既開始。今日第一課堂然係學五十音，阿SIR教左五十音既其中二十個音，佢教既模式同泰文既韓老師好唔同。韓老師用既方法係開明既教法，即係唔會強迫你既教法。功課返屋企自己做，有興趣就交俾佢睇。而日文老師係要求每一個人都要答問題，下一堂抽樣問五十音，即係你唔返屋企溫習都唔得。

其實佢地兩個就各有各好處，韓老師課堂比較輕鬆，因為冇乜壓力，所以都好鍾意上佢既堂。而日文老師既堂，如果唔返屋企溫書..真係唔敢上佢堂。相對黎講真係迫住黎。

我覺得學語言既野真係要講興趣，冇興趣點都唔會學得識。而家開始培養學日文既興趣，希望可以學識埋日文呢種語言啦﹗但我都好怕泰文會同日文攪亂，又或者時間分配得唔好....總之就唔好影響到我既泰文學習，因為我放左好多心機落去。

今日真係痛到我死咁滯，又差啲喺個廳度暈鬼左。好彩老豆喺屋企幫我落街買野食同藥....點解個個月都要折磨我？鳴鳴鳴...我做錯左啲乜呀？