做人千祈唔好行差踏錯

最近呢幾個月，不知自己活在什麼世界一樣。雖然每一天都好像過得很充實，不是學日文就是學泰文，再唔係放工就去放車仔，約朋友都要就下時間，好像很忙很忙，但心底裏總是覺得有些欠缺。難道真係因為單身既原故？但要我去發展一段新的感情，我真係提唔起勁，可能係因為我仲有啲事放唔低。

前兩日同劉老闆一家人去同朋友燒野食，劉老闆公子小JACK JACK坐喺我隔黎，呢個三歲老積仔叉住幾舊魚蛋又話要燒埋一份。我叫佢唔好張支叉放咁低，因為咁樣會好易燒焦，佢過一陣又再放啲魚蛋落啲炭度。點知我掛住理佢，燒焦左自己啲牛丸，仲俾小JACK JACK發現。跟住佢就同我講︰「我都叫你唔好放咁低啦，咁埋好容易燒燶架﹗」俾佢係咁話我...我都唔知好嬲定好笑。所以做人真係唔好行差踏錯，尤其喺小朋友面前。

尋日睇左虎年運程，黎緊既虎年係羊人好年，做乜都好。仲話有事業有桃花，都唔知係咪堅既.....寧可信其有﹗一於咁話﹗