今日去迪士尼當棒球決賽，晒死....

昨晚差唔多行完書展打比編更問佢仲有邊個今日會當，編更就話只有我一個去，因為我冇葯袋係身，所以佢想約我返會開倉攞個葯袋比我，下？我已經一抽二"lung"架喇，仲要我返會，死架喎，於是我問佢，如果佢可以既話，佢先返會攞葯返佢屋企先，跟住我行完書展再去佢屋企度攞，所以昨晚九點半行完書展，過左去旺角食完飯，就去左深水埗搵編更攞個大大個葯袋準備今日去當更喇。

昨晚見到編更果陣再問埋佢，今日個實際位置知唔知係邊，佢只係答一隊之長仲未搵到人問個地點同埋其他聯絡人係邊個，嘩，去邊當更唔知，去到搵邊個聯絡又唔知，電話號碼又唔知，乜都話唔知就叫我去當更，阿蛇下次你揸車車埋我入去陪埋我當更喇，乜都唔知點叫我去當更呀？

好在搵到D去過既師姐問下，不過師姐都係講唔出個位置係邊.....

返到屋企已經係十二點幾，沖埋涼執埋D制服架生，差唔多兩點先訓，不過今朝六點四又要起身喇。

七點鐘出門口，硬著頭皮出發去迪士尼搵下係邊度打少棒賽，去到迪士尼地鐵站已經係八點半，去到旅遊車區真係見到有穿梭巴士去棒球場的，不過要九點三先至有車。下？咁點算好呀，係果刻好想死果陣，有班旅遊車師傅教我可以先坐酒店穿梭巴士去酒店落車，再行兩個字去捧球場。好彩有兩個去打棒球既同我一齊坐車，我先至識得行過去捧球場，如果唔係，落左車一個人都冇，唔好話搵個棒球場，問下路都唔得咯........

講就講兩個幾字，不過要暴晒行三個幾字，先至行到果個石仔路既臨時搭建的捧球場，去到只有幾個捧球手到場，原來第一場在十點先至開波........  下？咁叫我八點半咁早到做乜.....

成個場都係碎石仔地，好在我著左Magnum boot 去，如果唔係實"un"到腳痛呢....

朝早八點九，已經好似晏晝咁晒，整個場地除左工作人員外空無一人

呢個係比賽主場

隔離仲有一個練習場

右一那個黃頂booth就係FA post 喇

九點幾，迪士尼樂園有駐場護士拿了一個AED同埋直流氧氣過黎比我地，不過佢地樂園唔係用FR2的 AED，而係用呢款Lifepak的AED，有一個防潮箱載住的

打開箱蓋，見到部AED，比FR2仲要細，不過部機唔用時係唔可以開機的，因為一開機就會開始自動log低全部流程，所以護士只可以就咁口講就當我地識用喇.....

呢塊電pad設計都好過FR2，有個手把連住包裝封口，只要用手拉個手把，個封口即刻可以打開即刻貼得