童話與現實之間

在開學前我哋決定再帶心橋入迪士尼玩。

有了上次嘅經驗，我哋今次下午五時多出發，應該會於六點前到達迪士尼，怎料當列車由青衣駛向欣澳方向，在欣澳站停下來時，車門竟然沒有如常的打開，隔了數秒，列車向前駛，即是飛站，車廂內準備下車嘅人不多，所以不見有人鼓躁，全程亦無廣播交待剛才嘅故障。

而我哋就唯有好無奈咁在東涌站搭返欣澳站，比平常所需時間用多咗起碼20分鐘。報紙都有賣：

〔節錄：蘋果日報〕

終於搭到迪士尼線喇，心橋好想摸吓米奇，又想掂扶手用嘅鼠鼠頭，似乎將怕鼠鼠嘅心魔忘記了。

心橋口形：Shhhh..........鼠鼠！

本來20分鐘嘅旅程，搭咗45分鐘，天都開始黑喇！

橋：爹爹媽媽就係買咗呢種年票，所以咪可以成日嚟玩囉！趁我宜家仲未要買飛，就多啲嚟玩喇！

唔知點解心橋愈大愈細膽，見到迪士尼嘅入口就喊，真係唔明白這個bb嘅心事。

咦？心橋多咗隻耳仔喎！

大街無乜人，這些相有無外國feel呢？

對面又有波波喇，但係唔知心橋點解一見到就喊喎？

你哋估佢驚咩呢？

行到古堡附近，見到史迪仔又喊，唔通迪士尼入黑之後好嚇人？

小朋友真係大情大性，轉眼間又笑番喇。

『估唔到入夜嘅迪士尼都咁多人，排隊都預咗，但最激氣就係啲大陸同胞朋友，佢哋多數無排隊嘅概念！佢哋唔會一個跟一個排，而係見空位就攝；

 其中一經典例子：有個大人叫幾個年約兩歲至四歲啲細路攝入隊中，打尖至前列位置，一般人見喺細路，遙吓頭便算，沒有出聲；

之後細路們搶到個咖啡杯就坐低，當個工作人員發覺佢哋咁細個、又無大人陪同，便四圍查詢 . . . . . .

 . . . . . . 原來該名大人  (年約卅幾四十歲嘅女人)  已身影鬼魅般站在工作人員背後的欄外，像狐狸咪起雙眼，等待職員禮邀她進場陪玩，最後成功不但不用排隊，且風光兼名正言順地環顧仍在排隊的人龍並施施然入座；

確是一次高水平的打尖，誰說中國人冇創意？窮則變，變則通！ 』

前事完。

心橋第二次坐咖啡杯，心情仍有點不安！

最令心橋興奮的唔係啲機動遊戲，而係個包包。

坐旋轉木馬又係要爭位！排第三都幾乎冇得坐，原來職員也實施「對外開放政策」，把隊尾的其他門閘都開埋，結果可以想像到：前的要在後，後的在前！

爸爸就坐木馬幫我哋影相，就係咁，我哋坐咗當日最後一班木馬。

本來想睇一陣煙花先走，但心橋一見煙花加埋聲效又喊，

所以我哋就喺音樂聲中離開了。