動腦又動手

由於豬流感的原因，已經有一段日子沒有帶心橋參加playgroup了，連暑假也沒有參與群體活動。恰巧今次姨姨想參加這個playgroup，我哋就跟埋一齊報名喇。可惜因為按年齡入組，迪迪同心橋就唔可以喺同一組，迪迪上完堂，就到心橋嗰班上。

這個playgroup逢星期六下午進行，好快就full咗，心橋最初排在waiting list，好彩最後都有位。心橋起初見到新環境，都有些猶疑和陌生，但後來爸爸指住其他小朋友，哼了首兒歌：「一小個兩小個三小個朋友，四小個五小個六小個朋友…….」佢就肯坐低了。

首先係玩生果玩具，橙橙蕉蕉都可以剝皮，心橋覺得很新奇。

然後玩捐山，心橋從未玩過這個遊戲，不敢捐入去玩，但突然又改變主意，玩得好投入，仲唔捨得停！

小休時飲吓水，同小朋友cheers。

之後有個仲好玩嘅玩意，估唔到心橋一啲都唔驚，可能之前爸爸同心橋喺迪士尼玩旋轉木馬有功，佢玩玩吓已覺得悶，要落地了。

心橋仲未習慣排隊，好容易就行開要自己玩，呢度有咁多新玩意，佢梗係唔捨得走喇。

又有小天橋行，可以訓練吓小朋友嘅平衡力。

仲有書書睇，我哋屋企都有這系列嘅書，所以心橋無乜興趣睇，好快就同其他小朋友交換了。

最後有個擦，心橋擦吓自己，又擦我哋，笑到騎騎聲。

總括這個playgroup都幾多嘢玩，場地佈置得色彩繽紛，希望心橋可以習慣吓同小朋友相處啦！