東涌遊

今晚約咗爺爺嫲嫲姑媽一家同姑姐去東涌食自助餐，今次我哋搭港鐵去東涌，發覺原來比駕車去便捷得多。

上次嚟食自助餐時心橋未夠一歲，現在心橋識行識走，好多種食物也可以俾佢試，又飲湯湯，又食意粉，但佢仍然最鐘意食包包，拎住兩個硬硬哋嘅包包食唔停。

食飽飽後，在東薈城行去搭港鐵途中，才是心橋最興奮的一刻，不斷在跑呀跑。

突然見有攀爬嘅地方，就馬上爬上去，似隻小馬騮咁。

不停在擺甫士，橋：「我要做model！」

笑得咁開心，梗係爸爸喺前面整古做怪啦！

一輪追逐後，終於坐低休息吓，但心橋仍然無時停，當車廂內嘅長櫈係屋企梳化。