Bee 髮廊

自從暑假「上海理髮」後，心橋的頭髮長了許多！

爹爹媽媽經過多月嚴格挑選，鎖定了這間 (1)沒有煙、(2) 沒有貓、(3) 沒有狗並且 (4) 乾淨企理兼 (5) 就腳的髮廊，帶心橋到此理髮。

剪髮前，頭髮除了颜色之外，請找出與 樓下山坡雜草叢  七項相同之處。

媽：今期你想剪邊個髮型呀？

橋：Well，等我諗下先！ ...... 我想做番個Treatment ...... 然後再剪番個 較前衛 及 富後現代感覺嘅......

橋：......就剪中間嗰個遮住一隻眼 ， One Eye Open   One Eye Close 「隻眼開、隻眼閉」裝啦！

媽：唉！唔好喇，呢嗰太Yeah喇！要 右眼有深近視、而左眼無近視 先剪得呢啲髮型！......嘿！唔喺你估喎！

橋：......但喺下次驗眼嗰陣 唔使再揾嘢遮住隻眼喎！

媽：唔使諗喇，就呢個1980代「集體回憶」裝啦！四平八穩，依家興保育，將一啲舊屋拆咗，再起番啲同舊屋一模一樣嘅新屋呀！

橋：點解我都唔喺好明白嘅？......Anyway 原來媽媽早有意見，又何必問小女兒呢？讓小橋傷透腦根喇！

橋：正所謂「等候期間睇雜誌，大個唔使怕寫習字！」

等... 等... 等... 心橋終於進入了 ScreenSaver Mode 。

媽：振作啲啦！就到你喇！

萬事起頭難！御用1號髮型師小心翼翼，心橋左閃右避；看媽媽的眼神，是回憶起心橋深夜、凌晨不肯睡覺的情境？還是家中多疊未批改的測驗卷？

橋：媽媽！依個叫乜嘢裝？

媽媽：叫「至寶三Bin」裝...掛！

剪到一半，心橋開始坐定定，很乖地剪髮。

對自己的新髮型充滿憧憬。

爸：女兒，樣子何以如此趣怪呀？

橋：髮碎跌落在臉上也！

媽：第一次喺髮廊剪髮，有乜感覺呀？

橋：好似中國太空人咁 - 感覺良好！

橋：媽媽，加埋呢個口型喺唔喺好Cute呢！

橋：剪到悶悶地，係時候關心吓時事嘞！

媽：剪完喇！自己睇清楚啲！

心橋左令令右令令，似乎對自己嘅新LOOK都頗滿意？！

橋：我諗公公會問「咁樣剪一剪要幾多錢呀？....吓！不如等我幫你剪吖！」

各位喜歡我的新髮型嗎？

風水佬呃你十年八年，髮型師1號話到農曆新年就會好睇喇！