菠蘿飽 ?

前一排喺書局打書釘，見到一本曲奇書，入面好多曲奇既款式好新奇o架！例如其中一個口味.....咖喱薯仔曲奇，有時間真係要試下，唔知啲味道係點既呢？

Thank you QueenQueen 幫我買咗尼本書～ 雖然書名叫 <<日式曲奇>>，但係個作者唔係日本人黎噃～

今日試整既係書入面既菠蘿曲奇。試咗好幾盤，麵糰入爐後都好快瀉哂。已經試過雪一陣先焗，但效果都唔係好咗好多。

書入面整得好靚o架，真係整到一個菠蘿咁。我懶，無整啲菠蘿絲喺頂，只係喺面界幾下就入爐。

廿幾個成品入面，尼幾件算最好樣o架o刺！雖然佢哋其貎不揚，但味道確唔錯！鬆化之餘，又有菠蘿味。

有小小似菠蘿飽.....

要再研究下點樣可以焗得靚仔啲先～

食譜

牛油 100 克，糖粉 80 克，蛋黃 1 隻，低粉 60 克，高粉 60 克，奶粉 1 湯匙，泡打粉 1/4 茶匙，菠蘿乾 70 克，掃曲奇面蛋液少許

1) 牛油室溫放軟，與糖粉打至鬆軟發白，加入蛋液拌勻

2) 菠蘿乾切粒加入 (1)

3) 篩入粉類，搓成麵糰

4) 把麵糰分成 10-20g 一份 (大小視乎個人喜好)，用手搓成蛋型或圓型，界上紋路

5) 160 度火焗 12 分鐘，取出掃上蛋液，回爐再焗 5 分鐘

同場加映今日造既唧花曲奇。咁啱今日有＂製作＂，需要造唧花牛油曲奇，可以練習下唧花。唔係自己讚自己，啲花真係唧得靚咗哦～