聖誕節

今年既聖誕節咁就過左喇，我自己剩係平安夜同阿妹一家人慶祝同交換左禮物就算，冇出去行下睇燈飾，因為我實在太怕人多既地方。

前三年公司有搞去旅行，所以之前都唔係香港過，但今年係香港過又唔係好想出去，始終香港人對於聖誕節都比較重視，節日氣氛又好，一出街直頭唔駛行，因為有人會推下你撞下你，自自然然就會行，但就小心透唔到氣囉。

阿女尋日就去左 camp，28 號先番，得我同阿仔係屋企都唔知做咩好。食完 lunch 佢就打機，我就訓覺。夜晚食完飯，我就同佢玩波子琪，玩完就訓覺喇，因為今日要番工。但阿仔就繼續睇書，佢放假就放到 2 號，不知幾難得可以夜  d 訓。

今年決定 08 年聖誕要去其他地方過，雖然氣氛未必有香港咁好，但起碼唔會浪費左個假期。但.....去邊好呢？？