情人節快樂!

今個星期六係情人節, 先祝各位情人節快樂! 留意係祝各位, 即係全部人, 包括有情人與無情人。 其實由邊個發起情人節都無所謂, 之但係今時今日d人將個節日搞得越黎越隆重就幾係問題! 打從二月開始一打開報紙, 已開始見到介紹各種情人節好去處, 情人節禮物等等… 莫講話無情人既睇到心酸, 就算有情人既我都睇到有d悶, 究竟情人節既意義係咩? 係要比所有人知道你已經有另一半? 要炫耀收到既禮物? 要同其他人比較手中既鮮花? 要盡地一鋪豪洗(錢)? 要話比另一半知你有幾愛佢? 坊間實在太過過份營造一個 “專人化” 既節日氣氛, 完全忘記唔係人人都可以享受呢個所謂浪漫既節日, 對某部份 “唔符合” 條件既人黎講確係有點難受! 其實同情人食餐飯, 邊度同邊日都可以, 真係需唔需要咁大肆慶祝呢? 而係呢個節日, 我反而會建議不如大力宣傳搞d單身人士既活動, 等單身一族就算無情人都可以係情人節過得好開心, 仲可能係活動認識到新朋友, 咁呢個情人節真係過得特別有意義啦!

今年適逢情人節係星期六, 無情人既都可以約三五知己儘情享受一下假期, 都可以過得好快樂, 有情人既天天都係情人節先至係真正既快樂!