新的是就好嗎? ~~ 廟街茶餐廳~~

尋日下午三點一支公無所事事走去油麻地找傳聞已久, 全港僅有開於地下舖專門售賣鐘錶零件的乜乜專門店(起初不知道名的), 由油麻地地鐵站下車沿廟街一路找一路問街坊, 問到第六個才知道在永安百貨附近, 但不清楚街名, 只知叫"南興", 幾經打圈最後找到了, 原來在白加士街叫"南興鐘錶材料行", 但可惜星期日休息!

繼續!

失望失望! 記然來到油麻地無理由空手而回, 唯有發揮港燦本色無蝕底順便行行日頭未開檔的廟街, 行了幾個字真係無野睇, 只看到很多檔口搭建準備中, 正再一次失望之餘, 突然看到熟口熟面的電影場景廟街茶餐廳 , 唔係完來真名係叫"美都餐室", 心諗人一世物一世, 入去睇睇無相干, 反正時值差不多五點有點餓, 最多咪睇到真實版我在X社會的日子裡, 好入去>>>>>>>>>>>。

一入去唔係化! 無冷氣。 完來此餐廳地下無供應冷氣, 一樓雅座才有, 當時溫度有32度以上嚇得我! 好彩一樓有另一個天地, 好了食乜好! 正想問小二有乜好介紹之際, 看看隔離兩檯食乜,, 哦全部都係食飯及意粉, 咁早食晚飯唔係化!! 好啦 反正人食乜我食乜試下啦, 再看到牆上掛有幾塊有點歷史紅底白字的膠招牌上寫著焗豬扒意粉, 就叫一客試試.......

無厘頭四圍岳, 環境OK, 好有六拾年代Feel! (合我) , 重有一流榕樹頭公園景觀, 好正!!!

哦!餐牌話餐室創於1950年, 足足有58年歷史! 勁勁勁! 咪住!!嘩嘩餐牌有百二蚊一碟飯唔係眼花, 真係$120一碟時菜鮑片飯, 同"福臨門"有得揮, 強強強!!

唔知有幾多人試過? 我下次一定找朋友一齊試下!

招牌豬扒會意粉上檯!

老餅Feel +榕樹頭公園景+原汁鮮味食品 我比90分!!!!! 

 下次會再試其他招牌食品。 食飽飽頭岳岳 --- 再四圍遊

同場加映昔日油麻地的風光街景~~~~~!

可昔風光不在,又一光榮執退休!

昔日珠寶黃金街!!! 唉!!!!!!!!!!!!!!!!!!!! 此乃集体失憶(回憶)!!!! 唉唉唉