工廠妹

公司已鐵定10月前會搬去工廠區了，好失落呀！

雖然我不太喜歡現在的office，但地點卻一流，閒時可以window shopping，購物方便，交通方便，約人方便..... 可惜大老闆卻偏偏要選工廠區作為新office地點....

我明白，工廠區office又平又大，不過環境實在不太好，以後我到底還應不應該穿high heels 著小背心呢？（其實10年都唔會著一次）

環境差了不再話下，連想吃個好些的lunch都有難度。我實在不能想像要和臭汗麻甩佬一齊排隊搭檯食碟頭飯（先聲名我絕無歧視麻甩佬成份，他們好多都好好人，我大肚時亦有不少麻甩佬讓坐）.....

還有平時放工想約朋友亦好麻煩呀！到時無晒朋友點算？

不過，最最最令我不想搬的其實是交通問題。首先，我家是一定要坐小巴 / 巴士才能到達MTR站，但小巴只到CWB，不順路；坐巴士嗎？班次又少..... 好喇，上到港鐵也要轉車（頭暈）；到坐完港鐵，又要再轉shuttle bus 到office（其實我根本未confirm有無shuttle bus！）..... 只是寫，我都已經暈暈地了.....

OK, 不坐港鐵也好像有過海巴士..... 不過同樣我要先坐巴士去搭過海巴，感覺上這方法會沒那麼轉接，而且會舒服些，不過也要到時再試試看會不會勁塞車......

之前，新office的間格一直是個迷，到底我個位係邊？又會被人監視嗎？神神秘秘了一輪之後，最後終於因要我幫手做野而給我看到了floorplan.........

第一個感覺是：三尖八角

第二個感覺是：浪費地方

第三個感覺是：又是慳錢惹的禍

首先，office不是那種正正方方四平八穩的間格（又一次覺得他們沒眼光），加上了interior design公司設計的間格後更出現了三角形及梯形的房！

其次，明明已是整層的office，理應很大很闊落（面積的確不少呀），但open office只有12個位..... 其他空間完全是白白浪費了！

到再問之下，終於明白為何有些地方間格怪怪的，原來因為想用回現有的間格....... 明，明晒...... 要慳錢嘛！不過我覺得概然都已經出錢買下，又會用上好幾年，何不做好些呢？尤其有人一日24小時有三份二時間在office喎...... （傻左咩？你地個位唔舒服咋，有人舒服就ok啦！）

Anyway，我個位的地理位置尚算OK，離核心權力有距離，不過透明度這關鍵卻要實地再看看才知。不過要坐在三角形房感覺就不太好囉！我們 department 最多雜物怪野，起晒角咁點擺喎

聽聞這design仍未定案，有可能會修改，所以最後坐邊都仍然是未知之數....

不過有同事提出.... 佔地全層，無其他公司，我們人又少，office又多暗角位，三尖八角，低層（暗），夜晚一個人時都唔好話唔驚



好在我又不會太夜走....... 要驚都未輪到我囉