完美的婚禮

上星期六出席了舊同學Sherrie的婚禮，很久沒去過觀禮喇，而且是教堂，雖然地方不大但也感受到那份溫馨。

部份觀禮時的實況可到 126+216 blog 的 觀禮看看。


新娘進場前，準新郎哥幾緊張

(photo by Louis)



新娘進場喇...... 好靚呀

(photo by Louis)


每逢見到新人宣讀誓詞，我就會好感動




晚上，一對新人在四季酒店設宴..... 這晚我期待了很久啦，因為可以扮靚靚出席呀。

今次是我第二次去四季飲，上次是去較大那個ball room，而今次去的是四樓較細的海景ball room。

一去到最搶眼的便是一對新人去歐洲影的婚紗相，不是一大幅油畫，亦不是一大本相簿，而是有大概10張類似油畫樣的大相，夾道放於走廊，就像去了畫展般。因為我們到步時已快8點，所以沒有停步慢慢欣賞，但只是望了幾眼也覺得影得好靚好靚。

入到ball room，同一眾朋友chit chat後，好快婚宴要開始喇。一開場當然是例牌的童年照影片啦！現在的這類片比起我結婚時真的好睇了很多，上次陳偉利那條片生鬼抵c節奏快，而今次這條片側好浪漫溫馨..... 我仲係入面見到自己N年前的老土樣tim

播完片便到一對新人march in 喇.....

上到台，首先由新郎哥發言先..... 當然是要多謝一班賓客兄弟姊妹，同埋唔少得既雙方家長啦！之前我一直都覺得新郎哥亞Ken是比較靜的，但原來他好好口才呀，一番說話講得好好..... 尤其講到多謝自己媽媽時，好感動，攪到我都眼濕濕。

到新娘子喇..... 她以下的一句話令我深深感受到她的喜悅....
「我有一個人一定要多謝，呢個就係亞Ken，好多謝你俾左一個咁完美既婚禮我！」
好簡單的一句話，什至可能有人會覺得好行，不過卻深深打動了我.... 從來我去睇人結婚，我都只會俾「多謝父母」的說話感動，但今次Sherrie這句說話真的令我感動.....

一向我都是一個好實際的人，自問雖然不善理財，但從不大洗，所以我當年結婚時我都算好慳（雖然人人話擺酒地方豪，但我係識人攞左個筍價架）。有好多人都會問我點解XXX唔整好d，YYY唔搵間貴d，的確當去到別人的婚宴見到好多靚野好野時，我都有過一絲後悔，始終一生人一次，不過再理性想一想後，我又會為我當年的「節儉」而拍手，因為當結婚後發覺什麼都是錢時，我真的好慶幸自己沒有因為一晚而洗腳唔抹腳.....

不過當聽到Sherrie這句說話後，我真的明白女人真係會完完全全被一個婚禮感動的，試問有邊個女人唔想有一個完美的婚禮？而一個完美的婚禮又的確可以令一個女人如此開心滿足！相信Ken為的就是見到自己心愛的女人全日都掛著的幸福笑容..... 真正的此刻無價！

當然，要有個完美的婚禮一定要有一定的財力，但更加需要一個愛你的男人。

以前都出席過一些「好豪」的婚宴，俾我感覺是因為主人家有錢，所以一定要做得好好睇睇，唔可以失禮人...... 這，當然無錯啦....

不過今次 S&K 俾我感覺有d唔同，首先他們都不是那種家族有錢型的人，而是兩個本身「搵到」。之前聽見他們會到歐洲影相時也覺得「好豪」，但我絕對信他們不是想曬命，而是在想能力範圍內，把一切都做到最好。

聽完新娘子這句話之後，我更加肯定了..... 他們要的不是一個豪婚宴，而是一個（新娘子）夢寐以求完美的婚禮，只是他們有能力把它攪得比較豪o者.... 嘻嘻

所以當聽到S講這句話，我都幾肯定K是把他們那舊錢的絕大部份用於S身上......

或者你會話.... 車~~咁有錢上黎乜都得啦！

係既，有錢係有好多野做到，不過問題在於你會唔會咁用，同埋你另一半捨唔捨得咁做..... 例如影婚紗相，揀相時，10個男人8個都會怪女人揀得多，但其實再多也只不過會俾多一兩皮，結得婚這些錢一定有啦，問題就係你肯唔肯為左隔離果個去俾囉....

雖然唔可以用錢去衡量一段感情，但絕對可以用「付出」去肯定，即是一個有$10俾$8老婆的人一定比一個有100萬俾1萬老婆既人更愛自己另一半..... 當然有一個有100萬而又俾80萬你既老公係最幸福啦.... haha

所以真的真的好鄧Sherrie開心，將來的事無人知，但今日我肯定你已搵到一個好愛你好鍚你的另一半了，恭喜晒！


好啦，發表完偉論，又講下d扮靚野先.... haha
話說我之前一直都買不到合心水的飲裙，問了A小姐借裙，點知又肥得滯唔岩..... 好彩最後都俾我在小店買到...... 不過.....

到那晚我穿起又覺得自己好肥呀

所以無影全身相，睇住半身先啦....


其實都睇唔到係乜款.... haha


雖然嫁唔到個有錢人，但我都慶幸有個當年揀相任我揀的另一半