5/4 Day 9 at Japan

終於都last一日喇~~ 其實去o左9日, 我係由第5日先開始適應日本o既生活lor, 因為日本同香港好相似, 我去o左咁多日都唔覺得自己o係日本, 除o左身邊d人係講日本之外~ 同埋日本文氣好乾好凍, 第4日已經開始乾到我塊面損o左, 個身又損埋, 唔怪得日本人要用"極潤"啦, 所以返到香港之後覺得香港d天氣好潮濕辛苦, 但塊面唔使3日就好返o左~ 同埋我到last第2日先識分佢o地d錢lor, 初初成日一比就1000yen 2000yen 100000yen咁, 唔識比散紙人嫁, 連50yen同5 yen都未分到(因為大家都係中間穿lon), 成日比錯錢lor~   咁我o地o個朝執好晒o野就check out, 去新宿放d行李o係locker喇, 因為我想去返原宿hare買返件衫比大佬~ 但去之前當然食返個早餐先啦, 之後同佢o地去高島屋jill stuart買o野, 但kawai最後都無買到, 咁我o地就去原宿喇, 因為我o地搭6:45機, 預返4:00到去到機楊, 不過我o地o黎o個時搭N'EX 但而家搭京成電鐵, 唔知預幾多時間, 所以預返2:00 o係新宿去機場~

去到原宿, 我就帶佢o地去bathing ape, 因為之下busy work shop搬o左, 我尋日迷失表參道o個時又無意中比我發現~ 由於同尋日行o既路線唔同, 都搵o左一陣先搵返o係邊, 但我本身唔好bape, 所以約o左佢o地1點o係返gap門口等, 我就自己去hare~ 去到hare諗o左好耐, 都無買件外套, 因為我大佬成6尺1, 佢實著到吊晒腳, 所以最後都係好無到~ 咁我就行下beams睇下有咩男裝衫啦, 但我發覺我入親男裝d sales都望望下, 女仔唔買得男裝咩? 最後o係beams t 買o左件polo比大佬, 個男sales仲好好禮貌, 送埋我出門口o忝~ 之後去o左古著鋪睇o野, 因為之前睇到條裙可以當埋top著, 但成3千幾yen我覺得好貴無買, 不過再去o個時已經搵唔返lu, 算啦~ o係gap等o左佢o地一陣~ 由於咁o岩星期六, 好多人o係gap隔離等影snap shot, 真係成街都係嫁~ 其實我o係bape行出o黎o個時都見人影相, 係影寫真!! 見到個女仔著件bikin top, 仲拉到去肚臍咁滯, 真係波濤洶湧嫁!!!! 等埋佢o地我o地就返新宿locker拎行, 搭車去日慕里轉車喇~

去到日慕里, o係月台等緊車之際, 我見個地下寫住"常磐線"o既????????????? 我o地唔係搭京成線咩???????????? 好彩發現得早, 我o地去返o岩o既月台, 月台上都好多拉住行李o既人, 應該無錯啦, 咁見有車o黎就上啦~ 我o地o岩o岩坐o係最後卡車最尾位, 咁o岩車掌(佢真係用呢個"掌") o係車尾喎, 佢叫小林呀, 個樣好Q嫁~ 到我地搭o左幾個站, 小林車掌問我係咪去Narita airport, 我話係, 點知佢做o左一個手勢..................係一個"X" o既手勢!!!!!!!!!!!!!!!!!!!!!  原來我o地搭錯車呀!!!!!!!!! 不過當時都無好驚o既感覺, 因為我o地預多o左時間, 就算去返日慕里搭過都唔會遲, 咁我就問小林車掌我o地係咪應該o係下個站落車啦, 佢數一數手指, 話搭多12個站, o係Yamada落車, 咁我去個路線牌睇下啦, 成個牌都唔見有Yamada o既???? 再睇下, 原來佢係話"Yawada"呀, 即係"八幡"~ 咁我就o係簿仔寫住"八幡"問小林車掌係唔係啦, 佢話係, 之後o係簿仔寫住"次電車乘", 即係叫我o地o係八幡落車, 搭下一架車~ 真係超好彩, 如果我o地唔係o係最後卡車, 小林車掌唔係企最後, 而佢又唔見我地推行李o既話, 我o地就真係死梗喇~~ 好彩最後又係有驚無險咁去到機場~~

去到機場, 首先拎咇過x-ray, 點知我個咇唔qualified, 職員問我係咪有camera o係入面, 我話係, 佢叫我拎返出o黎~ 諗諗下唔係喎, 我d相機咪o係我個hand carry入面lor~ 佢話入面有o野唔得, 咁我話不如我開個咇比佢睇啦, 點知原來佢係話d菲林唔得呀, 咁我拎晒出o黎佢就比我過lu~ 之後緊張o既時刻o黎喇, 就係上磅!!!!!!!!!!! 我一路都好驚會過磅, 其實我買o左好少o野, 但個咇好鬼重, 我o係車站抽上樓梯o個時抽到我死, 所以執o左幾件衫呀, 褸呀, 相機o個d去hand carry, 點知....................得17kg........... 早知唔執咁多hand carry啦, 但個咇真係好重嫁喎, 咁overload d人個咇咪質到爆??check in o個時見到隔離個地勤超靚仔呀!!!!!!!!!! 真係好鬼靚仔嫁!!!!!!!!!!!!!!!!! 十個靚我比9個半!!!!!!!!!!  寄完行李之後好鬼口喝, 但又唔敢飲水, 因為我坐窗口位費事行o黎行去去toilet, 所以去o左Mc記買o左個mc flurry食, 佢o地o個d有加焦糖嫁, 好好味, 之後仲去買o左盒餅仔上機食~ 上到機見路邊位係個c奶(我o地4個分開坐), 佢問我係咪自己去旅行(終於都係講中文), 我話唔係, 不過同d朋友分開o左坐~ 後尾我坐定o左, kawai問我"你唔係坐61A咩?", 原來我坐錯行, hahahaha~ 應該坐返前一行先o岩~ 跟住等起飛啦~ 飛o左個半鐘, 都係o係日本上空, 日本真係好大呀, 同埋望落去好靚呀, 出面個天有好多好多星星~ 之後派o野飲, 唔知點解派o左好多次, 我前後飲o左4杯橙汁, hahaha~ 食個飛機餐又好好食喎(去程個早餐我好無食, 所以無得比較), 係韓式牛肉飯呀, 好好味~~ 食飽o訓o左陣, 又睇下Bee movie, 好快返到香港lu~

香港過關真係超快, 我過完e道拎埋咇都係10:35咋, 但一出機場已經熱到我死, 因為香港熱過日本10度, 係足足10度, 想當日我o係箱根幾乎凍死咁濟, 香港真係又熱又潮~ 返到屋企仲要執埋咇抹到咇沖埋涼成1點先o訓~ 不過去完今次之後, 真係想去多次, 不過唔會去得咁密喇, 希望可以隔一個地方先再去, 同埋可以去下日本其他地方~ 但希望下次可以同最好o既朋友去, 或者同mami去, 或者自己去就最正喇~~