鼻仔歪左..要入院!!!

由於老公天生鼻骨歪，所以係長期鼻塞同鼻敏感，加上佢又有睡眠窒息，所以今朝就陪老公入院，做一個矯正鼻骨既手術，要剪左鼻翼軟骨既部份，再喺個鼻骨度戳個窿，令佢呼吸可以暢順啲，唔駛成日鼻塞之外，亦希望可以舒緩佢睡眠窒息既情況。

放底左佢之後，醫院就唔比我喺度等佢做完手術呢！

好無奈，所以喺醫院唔夠一個鐘，就返屋企。

終於等到探病時間，見到佢個刻，佢個樣好辛苦，個心好鬼啃呀。

同房嘅各位阿伯，真係嘈到無人有，老公就痛到反晒眼！！

佢個鼻係咁滲血水...而又因為插喉既關係，D痰又有血...好戥佢痛呢...

雖然老公好多時返夜既日子，都係得我一個人嘅屋企，應該已經習慣晒架啦。。

但今日嘅感覺係好唔同．．好孤單咁...好掛住佢呀..

老公．．好快啲出院．．返屋企陪我呀．．．