網誌分類：個人 |
圖片
網誌日期：2009-03-02 01:34
前日係小弟牛一，首先要多謝我的至愛送了一個LV銀包俾我，
好唔好意思上星期唔見咗佢某年送俾我的DIOR銀包，多謝哂先!
之後要多謝28號出席我哋3條魚的生日PARTY的朋友，
基本這個PARTY 係拎自己黎玩，初初大家諗好要每個人都要扮野黎玩，
但個個唔知係咪怕羞定無實力? 哈哈！有一大半人無扮齋黎笑。
不過都多謝佢地黎，也是多謝唔知係咪策劃幫手的朋友PETER仔，
他的 SAMMI 造型下次要落多少少苦功，我地幾條魚你估咁無實力。哈哈
基於相片同短片不能外洩，其實真係好醜怪，成世人都未試過咁盡地一煲，
仲要多謝大孖細孖同肥姨來撐場，無左佢地3個真係無哂個種氣氛。
梅姐同小鳳姐加G奶蔡依林真係幾代天后，仲有個SAMMI。
好記得肥姨見到我地一身咁行造型，
不禁講左一句：『早知你地咁行，我扮勁啲！呢舖輸左！』(加泵地動作)我加
好好笑，因為肥姨係扮野高手，輸俾我地3個初哥真係有啲唔抵。哈哈！
將來未知會唔會再玩扮野，但前晚真係一個好好的回憶，
起碼可以講足10年，次次睇番啲相都忍唔住笑。
最後，係度祝其餘2條魚，開開心心，身體健康，快啲拍拖
禮物大家都後補啦！
生日快樂
aroma 2009-07-07 00:24
Kis 2009-03-31 10:24
亞梅個造型都唔易搞...哈哈
我好想知SAMMI果位扮成點, 哈哈
~薇薇~ 2009-03-29 00:39
你既生日實過得好難忘!
機機 2009-03-04 12:34
嘩...真係好快喎。不過你身材keep 得咁好！重勁過梅姐啦...哈哈
生日快樂阿！
vicky lam 2009-03-04 12:00
嘩~~~ 好靚呀~~~~~ 笑死我啦~~~~
我想知你扮邊個 , 哈哈!!!
補祝你生日快樂!!
Taco 2009-03-03 17:47
Forester Zebra 2009-03-02 17:02
KAI 少 2009-03-02 03:03
有會噤快出.......你跑即時新聞? 我覺得小鳳姐應該攞最佳創作獎 梅姐攞最义似餅印獎 G奶就攞最佳全套服務獎囉 ................Yeah!!!生日快樂!!! 開心爆!!!!
☆☆㊣阿仔★★2009-03-02 03:12
最頂癮係d樣唔曝光得, d blog 友一定吵媽拆蟹.
扮梅姐個位人兄真係好爆！有99%似 真係梅姐現身~
小鳳姐用垃圾袋做裙俱創意，坐地post 好頂癮，仲有個吹蠟燭勁搞笑................... G奶 勝在有條小蠻腰, 正一小妖精, 跟足MV啲舞跳勁到爆. 睇番啲片, 現場反應真係好好笑~