東京之旅串燒大王

我串串串！我串串串串！某個晚上隔離個blog 個人仔話要食燒串串，
諗住可以當 dinner 咁食，但食完都仲唔飽，唔飽唔代表我地叫得少，
5個人埋單成萬幾yen ，食燒串串食成千蚊港幣，救命呀！超變態！

個晚係新宿兜左成大個甜甜圈，去到新宿另一邊無咁多人行的地方，
william 就帶了我地去啲好地道橫巷，裡面啲食舖超細間，
正正是睇日劇啲日本人放工去飲啤酒食嘢地方，每間舖位得8-10人，
我就揀左一間上了角樓開餐。




呢5隻巨蝦，由隔離blog 個富貴仔order，我諗呢唔隻巨蝦起碼要$80 港紙以上一隻，
好彩燒出黎都ok，啲肉唔會林都仲叫彈口。



燒巨蝦最少有7吋長




其他美食一定有豬牛雞，其中一款燒雞皮真係最好食
相下最右個2串，跟住有雞乜雞乜串串拱咁~~




呢款燒雞亦都ok，燒到d皮脆到爆



食到咁上下，成程唯一一張大合照，大家都無乜一齊影過相，
仲有張貼紙相，下星期等我去完台灣再scan番俾大家。哈哈哈！
吃完d 串燒真係唔覺飽，超貴~~~~ 之後就發生一件波叔帶你遊新宿~~~~ kakaaa