今期我起彈~

踏入4月，諗起都開心，又可以去旅行。
上年去完泰國蘇梅再去菲律賓潛水已經好滿足，一年去兩次旅行真係好奢侈。

下個月內，好瘋狂地月頭去6日東京，月尾去台灣4日，好彩這一兩個月生意算不錯。

先講東京6日之旅，原先幾個朋友打算去5日，好彩傾傾下玩多一日，心情唔同哂。
係度要多謝Bape潮人咁積極問機票同上網BOOK酒店，仲介紹我地到時去食頂級和牛，
去到日本今次真係會狂玩、狂食、狂買、狂挾。
。
今次同我06年去東京有不同，因為我乜都無準備，行程沒有，非常輕鬆，
去到ONLY玩，今次仲可以用好多時間去shopping，
Bape潮人仲話要豪食，我諗今次去東京都幾豐富，
最緊要係用了一年時間在香港磨練挾公仔技巧，終於畢業，上次去都未有這舖癮，
今次仲唔晚晚深宵搵節目挾爆東京，聽講個邊好易挾，帶定個空"喼"無衰。




這個台灣之約足足相約了10年，同班design公司同事講咗N年，
次次出黎食飯，永遠有人拎個月曆出黎夾日子，夾好之後又不了了之。

今年2月尾食飯拜年逗利是，又重演這一幕，結果有機機9秒9效率，
隨即又搵下台灣機票，咁啱CX 又做超荀機票。
雖然6個人已有4人確實了，1人正調，1人要陪老婆生。體諒！

記憶中，台灣好似去過2次，住左成半個月，日日渣電單車去買野食，
雖然台灣應該都沒有什麼好買，但街頭小食同夜市都幾OK。期待！

4月份都係咁養好個身體，唔係真係拎黎衰。

YEAH~~~ 啲錢無哂~~~哈哈~~