我討厭你你正蠢材

星期六去玩完一日，星期日就要趴起身去睇『快樂尋回犬』特別場，
套戲我一睇試片，已經好想睇，對上一套睇用狗做題材的戲是『導盲犬小Q』，
個時又係一邊睇一邊俾感動。

今次睇『快樂尋回犬』一早預咗會喊，因為我份人咁感性同滿充愛心，
喊就一定，睇下喊幾多鑊? 張戲飛超抵，平平平！

這套韓片入面2個小朋友演技都好出色，先講個小妹妹，唔出聲睇個樣已經Cute 爆，
戲入面個小妹妹勁多喊戲，一見佢喊心都酸哂。
係戲入面，妹妹成日鬧阿哥『我討厭你！你正蠢材！』好搞笑！
純真一面真係只可在小朋友身上先睇到。

而個阿哥個樣典型韓國仔feel，都做唔錯，佢帶咗個妹個書包走，
真係感受到佢有幾掛住個妹。

其中一位主角"小白"，由哥哥偷回家至養到拱大隻，隻狗真係好有靈性，
唔知係咪浄係做戲先有，最尾講到隻狗死，真係唔喊就有鬼。

全套戲喊咗4次，當中一幕兩個小朋友個阿媽得知個女已經死咗，個下真係喊哂。

唔講咁多，一陣又有啲人話我講哂出黎，哈哈！
這套戲若果你有少少良心，你必定會被感動，要喊一場就去捧場，喊完舒服哂！

特別推介給細佬KAI，我包你喊到豬頭咁出返黎，哈哈！