一蘿孖寶 figure

2日內放了4隻孖寶 figure，賺回 $440。
琴日去兆萬睇玩具，綠色孖寶賣 $199 , 毒菇賣 $149 ，
我咪放平左好多????? 蝕哂呀！



琴晚同至愛食飯，去朗豪坊食我至愛的海南雞飯，點知執咗笠，大檸樂！慘
食飯之前又上去橫掃佢哋的孖寶 figure，
今次掃走佢哋3隻，咪以為有錢賺，其實大概用$100 蚊先掟到一個孖寶 figure，
好彩的話就當然用少少代幣就得手。

其實，講真，再話過你知，我真係，醉翁之意不在酒，
孖寶 figure 可有可無，掟彩虹係一個抒發情緒途徑，當中尋找到個一剎開心，值哂！
當然洗錢買果一刻開心都要盡量減低個成本，免得銀包失血過度而硬化。

中了3隻孖寶 figure，加前幾日個3隻，再計埋之前出讓2隻俾一個 blog友，
一共8大隻，勁呀！屋企個6隻，不用24小時放了2隻上拍賣網放，
一日內已賣出共$240，要幫補下我啲玩樂費。

唔講你唔知，原來紅色孖寶 figure 最平價 ($80-$100)，而綠色孖寶及毒菇 ($120-$140)，
綠色孖寶及毒菇原來都幾稀有，唔卦之得一放上網就唔夠24小時就俾人bid了。

現在仲餘4隻，2隻自已keep，兩隻再放上網賣先，套番最少$200都好，幫補下！
掟彩虹個度啲孖寶 figure俾我中哂，又要等下期入貨先有得再掟囉！哈哈！

笑料一則
係掟彩虹個時，有個約50歲嬸嬸在閒談中，竟然彈出一句『你係咪陳鍵鋒個細佬?』
我眼都突埋，嬸嬸連陳鍵鋒都識講個全名，勁！
我答佢：『你點知架? 佢真係我阿哥嚟！』笑死我！
我帶咗眼鏡都遮擋唔到啲萬丈光芒，原來我真係"令仔"到咁， 唔講真係唔知，嘩哈哈！
笑死我，笑死你，笑死廣大blog 友！笑死無命賠！
嚟踩我啦！知你班嘢實入我位，yeah~~yeah~~yeah~~