愛爾蘭之旅2

Day 3
今日我們參加了另外一個tour，這次去Galway以北的Connemara區，那裡出名山明水秀，真係合晒我心水！行程中經過一間靚到好似城堡咁嘅大宅，原來係一間叫做Kylemore Abbey的修道院。呢度本身係一對恩愛夫妻嘅住所，後來太太不幸病逝，丈夫為了紀念她，就為她建了一個小教堂。點解愛情常常都會帶著點點遺憾呢......

遠看Kylemore Abbey真係好靚，好似去了世外桃源一樣！

Day 4
我們離開Galway，南下到Cork。David知我為食，專登帶我去著名的English Market搵食！我最鍾意食芝士同橄欖，當然亦唔少得生蠔啦！

橄欖種類夠多又新鮮。


English Market裝修得好有味道，stylish過香港的街市好多！

Day 5
我哋搭飛機回到貝爾法斯特。原來在愛爾蘭只有在都柏林才有車去貝爾法斯特，所以如果像我們一樣想玩晒全愛爾蘭的話，最方便還是搭飛機。

一放低行李，David就話去book的士！唔係掛，搭的士好貴架喎！原來在貝爾法斯特，有個著名的taxi tour，帶你去睇同南北愛動蕩有關的graffiti和紀念碑，仲會講好多故事，上了一堂歷史課。
老實說我不太了解南北愛的糾紛，不過親眼見到這些充滿政治意味的graffiti，都不禁唏噓。

睇完沉重的歷史，David又帶我去飲酒輕鬆吓。不過呢間係非一般酒吧！據說酒吧老闆信天主教，但他太太卻是愛國的基督教徒。建酒吧的時候，老婆迫他要將酒吧改名為The Crown，又要以皇冠做標誌。丈夫沒有跟她吵，只是將那皇冠造成馬賽克鑲在地上，每個客人都要踩過它才進得了酒吧。一個小故事道盡了夫妻之道不外乎互相遷就，以及a good sense of humour！

這就是「著名」的皇冠馬賽克，那丈夫又愛妻又有幽默感，我真的服了他！