喜好

我其實冇咩特別喜好,

其實數得晒 : 打機, 影相, 行山, 睇書, 畫畫, 捉棋, 去旅行,

可能細個慣左加上而家又唔係搵得多, 好多時都唔太捨得用錢,

影相可以好花錢, 不過我部機係我ah 嬸送俾我o既, 雖然係咁, 不過膠卷同晒相要錢,所以都唔係成日影。而家有 dc , 唔駛buy 膠卷係影多左, 不過時間同心態又變左。

行山呢個唔太花費o既項目基本上都keep 住

睇書呢, 當然有keep 住la, 只係而家睇小說比較多, 學術o既已經唔多lu

畫畫......反而好耐冇畫, 雖然偶然會心血來潮...... 不過已經熱情不再了....

捉棋其實一直都咁喜歡, 如果問咁多樣最喜歡係乜, 一定係捉棋,
可惜捉棋係要有人陪o既........

去旅行呢...... 時間同金錢如果許可的話, 咪去law~~~~

最後就係打機勒......

其實打機o既喜好不下於捉棋, 起碼, 打機可以一個人, 當然我更愛一班人一齊打,

而咁多個喜好,我想花費最多應該係打機 , 打機用o既錢o既總和應該比去旅行用o既錢o既總和還要多 (我覺得)

起碼家用機同術機o既花費都有一定o既時間了....

紅白, 超任, Saturn, PS2, N64, Wii, Xbox360....

有時心情唔好, 打機算係一個放低自己o既一個方式,

係ga, 打機o既時間可以好集中咁去打,去思考.......

有好多人都唔明點解d 人咁鍾意打機,

我估係成功 / 滿足感la, 現實你冇可能可以同人打, 咪 game 裡面law....

起碼好多人會代入, 當然我都會, 不過都只係短暫..... 打完..... 又返黎現實好了....