花瓜+秋刀魚

花瓜（foie gras）+秋刀魚

好騎呢的配搭，係咪？﹗

係﹗

今晚一個人食配搭騎呢的晚餐

皆因懶﹗

老公返夜得番一人

十點幾想食野

但唔想落街食、唔想叫外賣、唔想煮飯

響冰格揀左花瓜+秋刀魚

好明顯係想肥死

先煎肥肝，剩低的油煎秋刀魚

香到黐線

油仲勁多

近日愛吃秋刀魚，愛吃的程度出乎自己意料之外，一個星期可以食三整條，即係三餐。

事緣早兩個月同老公行citysuper，見秋刀魚特價唔使廿蚊就有兩條，買返去整飯盒俾老公，煎的時候，香到呢，忍唔住試左一箸咁多，正喎﹗而老公第日feedback係very good，於是早前響supermarket見到急凍秋刀魚有特價，一口氣買兩包共六條返屋企。

尋日返工的飯盒主菜就係秋刀魚嘞﹗其實所謂的飯盒，就係得一條秋刀魚咁大把，咁……當然係唔夠飽啦，貪方便，只係沖左杯即食麥皮，哈哈，又係好騎呢的組合，因為櫃桶長期都有麥皮做儲備，又唔想食咁多丫麻。

上網查下秋刀魚的營養，講到好好咁bor﹗

秋刀魚簡介：

秋刀魚也名山瑪魚，它分佈於美國夏威夷以北的北太平洋，而以日本至阿拉斯加灣海域產量較多，日本產量最多，每年9至11月是盛產期，也最為肥美。

每1000克秋刀魚富含1克以上的DHA，含量相當高，以及大量不飽和脂肪酸EPA，有助於人體腦部功用，能提高學習能力，並且可預防記憶力衰退；還含有豐富維他命E，可延緩衰老，更含有鐵、鎂等礦物質，可以預防動脈硬化，防止血栓形成，對保健心臟血管有良好功效。秋刀魚的維他命A含量比牛肉、豬肉多16倍，能夠強化視力。在秋刀魚的魚背上，肉色發黑的那部份，還含有很多維他命B12，可以防治貧血症。

秋刀魚市售都以冷凍為主，當你購買時應該選擇口尖且呈黃色，眼睛澄澈無混濁，外觀完整、腹部緊繃無破裂、肉質富彈性、解凍後腮部不會滴血的，表示新鮮度較好。其次再確定尾部及體表是否與口部相同帶有黃色，如果有則表示油脂豐富。

如果你想將秋刀魚保存長的時間，可以將魚洗淨去頭、腮、內臟後，包上保鮮紙冷凍。在洗淨秋刀魚後，灑上細食鹽，即可進行烹調。由於秋刀魚所含的血肉比其它魚類高，肉中富含肌紅蛋白，烹煮時魚腥味十分明顯，可多加辛香料，而依其油質多、香味強的特性，以鹽烤的方法最佳，在燒烤前應先用鹽水清洗過，可讓肉質緊實，將水份瀝乾後撒上細食鹽，放置30分鐘後、去除腥味後再烤。新鮮秋刀魚可連內臟一起食，苦澀的味道是其精華。此外，其它的料理方法，如醋泡、煎、蒸、炸也都適宜。