西貢一星

6 Dec 09

本來e日係去深圳喪食+喪買既, 但係隻腳臨踏上299之前, 朋友打黎話病左, 臨時改期!

錦都係西貢市喇, 就行下食下睇下買下!

記得今期米芝蓮有間一星係西貢, 擇日都無禁好,

就去試下.

e間野經過好多次, 但係無諗過入去.

俾米芝蓮一吹, 我地e d迷信名牌既, 當然要去下.

點知,

驚喜超大!

好好好好好好好食呀!

裝修幾好架, 有別於一般西貢餐廳.

黎過豉油王炒腸粉, 平凡先見真章.

好好食! 誠意十足.

個老闆模樣物體話d湯arm arm煲好, 問我地飲唔飲?

我地第一次去, 又arm arm點完送, 再黎多一大煲呀? 驚飲唔晒wor,

阿老闆模樣物體話, 俾兩碗你地試下喇.

好

好

飲

呀!!!!!

d湯好濃, 好香, 應該係用想像唔到禁多魚去煲.

食左兩樣, 其實我地已經食到個樣笑晒, 知道e間野一定會成為我地飯堂.

我地係一路食, 一路不停話:

好好味呀!

係呀, 好正呀!

云云云.

蠔餅.

d蠔好鮮, 好食. 但係最正係碟魚露, 靚野黎.

炸豆腐.

又香, 又脆,

一食落去, d豆腐香味係湧出黎.

一定係我食過最好既.

唔記得左mer野炒麵. d送就好普通喇...我好怕e d 杰達達既汁........

但係個麵, 真係正到停唔到口.

我飽到差不多嘔, 都想食落去.

我地叫野時, 估唔到碟碟都禁大份量, 到最後, 食唔晒.

個waiter黎收野時, 同我地講:

你地都好勁架喇!

之後, 仲有甜點生果送!

d桂花糕都ok.

六福一定係近年驚喜! 係估佢唔到禁好食, 仲要唔係貴添!

我e個月d blog entries, 一定成日見到e間野, 因為係forseeable future, 我已經約左兩晚黎e度食飯喇!