好興奮呀!

e家係零晨1點28分.

係床到睇今期飲食男女, 越睇越興奮, 忍唔住走黎寫野.

鍾意飲食男女, 由創刊開始睇, 雖然有時有d唔掂, 但係不時都有d貢獻.

雖然e排愛好u magazine, 但係u magazine係走年青版明週+優皮路線, 飲食品味嘛...有待提升.

同我並肩而上的, 一路都係飲食男女. 唔會話貴到我買唔起, 又會有d平民百姓野, 又唔會太鱔, 有時都會失下手, 人嘛.........可以理解.

一兩個月都會有一期比較精彩.

今期就超好睇.

1. e兩日, 成日講斑蘭蛋糕pandan cake, 原來美心e家都有, 但係未食過, 唔知係點. 美心.....我無mud期望, 亦俾人教壞左, 唔太返到去食美心....tony wong 間餅鋪, 其實開左未架?

2. e期講網上購物, 我鍾意.

3. 原來上網買manuka honey平過係citysuper買好多.

4. 舊聞, 上oisix買日本菜, 太貴喇, 我無mud興趣.

5. 有間野買日本蠔同蝦好似好好食錦, 仲平優質堂好多.

6. 法國訓覺蟹, 244一隻, 抵, 必試.

7. iberico ham.....omg.....好好食錦. 睇下佢平d citysupe平先.....

8. 令人超驚喜的auntie rose! 我睇中佢d野生龍眼乾, 浙江腐皮, 真正野生竹笙, 宣威火腿.....我最仰慕就係e d有學識有品味又唔休做既 阿太!

9. 仲有好鬼型既葉怡蘭, 早前已經唔知係邊度聽過佢. 賣既係品味+遊歷經驗! oh....點解人地可以禁有型架!!!

我睇中既有法國Christine Ferber jam! 食過法國jam, 真係返唔到轉頭. 十幾年前係法國阿爾薩斯食過一啖Christine Ferber jam , 經為天人! 原來葉怡蘭個網有得賣....我同佢感覺一樣, 一啖, 只係一啖, 改變我對jam睇法. 十幾年, 我仲未忘記果一口玫瑰jam味道....

10. 其他 d mer pizza, 湯水, 有機菜, 都係舊野, 唔太驚喜

11. 老字號訪問廖孖記, 食左幾十年的廖孖記, 好有感情. 篇稿問, 誰還在吃廖孖記? 我同徐生lor.

12. 介紹阿蘇強推既黑金剛. 70年代長大既我, 當然都有感情喇.

13. 葉一南又介紹aman resorts喇.........好想去呢. 葉一南, 真係型到爆.

14. 懷念梁玳寧. 由細就每日聽媽咪講, 梁玳寧今日講mud, 梁玳寧話邊d好. 我阿媽係風雨不改, 由明報追到經濟日報, 日日睇佢專欄. 今期江獻珠女士, 寫左一篇文章紀念e位好人.

e本飲食男女, 會成為我收藏系列.